وزیر داخلہ محسن نقوی ءَ بحرین ءِ سروکی ءُ الس ءَ را راجی روچ ءِ مبارک بات دات، برات ءِ سیادی ءَ را گیش دیمروئی دیگ ءِ  جزم  ءِ درشان

اسلام آباد۔16دسمبر  (اے پی پی): وفاقی تہی کارانی وزیر محسن نقوی ءَ بحرین ءِ راجی روچ ءِ درگت ءَ بحرین ءِ سروکی ءُ الس ءَ را دل ءِ جہلانکی ءَ چہ مبارکی درشان کنان ءَ وتی بحرین ہم منصب جنرل شیخ راشد بن عبداللہ الخلیفہ ءَ را نیکیں واھگ آنی درشان کتگ۔ وزیر داخلہ محسن نقوی ءَ گوشت کہ بحرین ءِ سروکی ءِ رژنائیں وژن ءَ ملک ءَ را دیمروئی ءِ رژنائیں راہ ءِ سر ءَ رھادگ کتگ ءُ الس ءِ زندمان ءِ تک ءُ پھنات ءِ دیمروئی ءِ واستہ نوکیں افق پچ کتگ۔ آئی ءَ گوشت کہ ھمک پڑ ءَ محنت ءُ جزم ءَ بحرین ءَ را پڑ ءَ استحکام، دیمروئی ءُ وشھالی ءِ مثال جوڑ کتگ۔ محسن نقوی ءَ وانگ ءُ زانگ، جان سلامتی، بنیاتی ڈھانچہ ءُ چاگردی دیمروئی ءِ پڑ ءَ مھکم منصوبگ بندی ءَ را ساڑات ءُ گوشت کہ بحرین وشیں آیوکیں وھد ءِ نیمگ ءَ روگ ءَ اِنت۔ پاکستان ءُ بحرین ءِ سیادی ءِ ارزشت ءَ را پدر کنان ءَ وفاقی تہی کارانی وزیر ءَ گوشت کہ دوئیں ملک آنی نیام ءَ راجدپتری دوستی ءُ مھکمیں سیادی مدام بھروسہ، شرپ ءُ براتی ءِ بنیات ءَ بوتگ اَنت۔ آئی ءَ گوشت کہ لکاں پاکستانی بحرین ءِ دیمروئی ءُ وشھالی ءَ مزنیں کردے پیلو کنگ ءَ انت۔ آئی ءَ گوشت کہ بحرین ءِ گوستگیں تر ءُ تاب ءِ ساھت ءَ دوئیں توکی وزارت آنی نیام ءَ وت مہ وتی کمک ءَ را گیش کنگ ءِ سر ءَ تپاک کنگ بوتگ۔ محسن نقوی ءَ دعا کت کہ بحرین ءِ دیمروئی، الس ءِ وشھالی ءُ ملک ءِ جوڑیشت ءِ رژنائیں ءُ برجاھیں سفر برجاہ بہ بیت۔ آئی ءَ اے جزم ءِ پدا زور دات کہ مرچی ما بحرین ءِ گوما دوستی، کمک ءُ براتی ءِ مھکمیں سیادی آناں دیمروئی دیگ ءِ وتی جزم ءِ پدا زور دئیں۔