باسک صوبائی اسمبلی مولانا ہدایت الرحمن بلوچ ءِ سروکی ءَ ضلع ءَ آپ ءِ بحران ءِ گیواری ، آپ ءِ پجارینگ ءُ ایشی ءَ گوں سیادی داروکیں جیڈھ آنی گیواری ءِ ھوالگ ءَ ھاسیں دیوان برجم

کوئٹہ۔ 06 دسمبر (اے پی پی): باسک صوبائی اسمبلی مولانا ہدایت الرحمن بلوچ ءِ سروکی ءَ ضلع ءَ آپ ءِ بحران ءِ گیواری ، آپ ءِ پجارینگ ءُ ایشی ءَ گوں سیادی داروکیں جیڈھ آنی گیواری ءِ ھوالگ ءَ ھاسیں دیوان برجم دارگ بوت۔ گند ءُ نند ءَ ایگزیکٹو انجینئر مومن بلوچ، پبلک ہیلتھ انجینئرنگ ڈیپارٹمنٹ ءِ افسر، ایس ڈی او داد کریم بلوچ، سب ڈویژن پسنی ءِ نواز بلوچ، انجینئر ساجد سخی  ءُ اے دگہ ہمگرنچیں کارندہاں بہر زرتگ ات۔ دیوان ءَ گوں گشتانک دیان ءَ مولانا ہدایت الرحمن بلوچ ءَ استیں آپ ءِ بحران ءَ گوں گر ءُ چیل بوھگ ءَ پبلک ہیلتھ انجینئرنگ ڈیپارٹمنٹ ءِ کارکردگی ءِ سر ءَ دل یکیمی ءِ درشانی کت۔ آئی ءَ گوادر شہر ءَ آپ ءِ پھجارینگ ءِ واستہ ڈی جی جی ڈی اے ءِ نیمگ ءَ چست کتگیں گامگیج آنی توسیپ کت ءُ چیئرمین گوادر بندرگاہ ءَ ڈیسیلینیشن پلانٹ ءِ وسیلگ ءَ اولڈ ٹاؤن ءَ را آپ ءِ پھجارینگ ءِ واستہ گامگیج آنی توسیپ کت۔ باسکی صوبائی اسمبلی ءَ گوشت کہ آئی ءَ آپ ءِ بحران ءَ چہ گر ءُ چیل بوھگ ءِ واستہ وتی پی ایس ڈی پی ءِ فنڈز ءَ چہ بازیں منصوبگ ایر کتگ انت۔ آئی ءَ گیش گوشت کہ آ آیوکیں لھتیں روچ آنی تہ ءَ بلوچستان ءِ سر وزیر میر سرفراز بگٹی ءَ گوں گند ءُ نند کنت ءُ گوادر ءِ ضلع ءِ دائمی گیواری ءِ واستہ میرانی ڈیم ءَ چہ گوادر ءِ فزیبلٹی ءِ منظوری ءِ سر ءَ گپ ءُ تران کنت۔