کلات آپریشن ءِ وھد ءَ ھندوستان ءِ چیردستی ءَ کار کنوکیں ناشرکار وتی منطقی آسر ءَ سر بوتگ اَنت ، بلوچستان ءِ سر وزیر میر سرفراز بگٹی

کوئٹہ۔ 07 دسمبر (اے پی پی): بلوچستان ءِ سر وزیر میر سرفراز بگٹی ءَ سیکورٹی فورسز ءِ نیمگ ءَ کلات ءَ برجم داشتگیں کامیابیں آپریشن ءِ سر ءَ وتی منت واری درشان کتگ ءُ ناشرکاری ءِ ھلاپ ءَ برجاھیں فیصلہ کنوکیں مہم ءِ تہ ءَ یک ھاسیں سنگ میل ءِ لیک اِتگ۔ بنجاھی وزیر ءَ گوشت کہ اے آپریشن آنی مول ءُ مراد ملک، صوبہ ءُ الس ءِ جان ءُ مال ءِ رکھینگ اِنت کہ ریاست ءِ اولی ترجی اِنت۔ بنجاھی وزیر ءَ وتی بیان ءِ تہ ءَ گوشت کہ کلات آپریشن ءِ ساھت ءَ ھندوستان ءِ چیردستی ءَ کار کنوکیں ناشرکار وتی منطقی آسر ءَ سر بوتگ اَنت، اے گپ ءِ پدریں ثبوت اِنت کہ ریاست وتی سرڈگار ءِ سر ءَ ھچ وڑیں تباہی ءِ کاروائی ءَ برداشت نہ کنت۔ آئی ءَ گوشت کہ بلوچستان ءِ زمین ءِ ھمک انچ ءِ سر ءَ ریاست ءِ رٹ ھست ءُ مانیت وھدیکہ ناشرکاری ءِ شنگ ءُ تالان کنگ ءِ ھمک کوشست بے سوب کنگ بیت۔ بلوچستان ءِ سر وزیر ءَ سیکورٹی فورسز ءُ کانود نافذ کنوکیں ادارگ آنی قربانی آناں شان پیش کت ءُ گوشت کہ سرجمیں راج اے دلیریں سپاھیگ آنی ازمت آناں ارزشت دنت۔ آئی ءَ گوشت کہ ناشرکاری ءِ سرجمی ءَ ھلاسی ءَ تاں آپریشن ازم استاد ءِ بے شرطیں کمک برجاہ مان ایت۔ بنجاھی وزیر ءَ اے جزم ءِ پدا گوشت کہ بلوچستان ءَ دائمی امن، دیمروئی ءُ الس ءِ وشھالی ءِ برجائی ءِ واستہ ھمک پڑ ءَ ناشرکاری ءِ ھلاپ ءَ زبردستیں گامگیج برجاہ بیت۔