بلوچستان ءِ سر وزیر ءَ چہ راج ءَ لوٹ کتگ کہ آ سلاہ بندیں اُرد ءِ کمک ءَ بہ کن اَنت ءُ دژمن ءِ زوراکی ءِ ھلاپ ءَ تپاک

اسلام آباد۔7دسمبر  (اے پی پی): بلوچستان ءِ سر وزیر سرفراز بگٹی ءَ گشتگ دژمن ءِ زوراکی ءِ دیم ءَ دارگ ءُ شکست دیگ ءِ ھاتر ءَ راج وتی سلاھبندیں اُرد ءِ گوما مھکمیں رنگے ءَ اوشتات کنت۔ آ یک شمبے ءِ روچ ءَ بلوچستان گس ءَ پریس کانفرنس ءَ گوں تران کنگ ءَ ات۔ سرفراز بگٹی ءَ گشتگ کہ ڈیرہ بگٹی ءَ 100 ءَ چہ گیش جنگولاں وتی سلاہ ایر کتگ انت، اے جنگول کوہ ءَ چہ کار کنگ ءَ بوتگ انت۔ سرفراز بگٹی ءَ گوشت کہ گوستگیں یک سال ءِ تہ ءَ بلوچستان ءَ نزیک ءَ 900 وئیل بوتگ کہ ایشی ءِ تہ ءَ بلوچستان ءَ 205 سیکورٹی کارندہ شھید کنگ بوتگ اَنت وھدیکہ 280 بے سلاہیں شہری ایشانی تہ ءَ مردین ءُ زالبول ھوار بے دردی ءَ بیران بوتگ اَنت۔ آئی ءَ گوشت کہ گوستگیں یک سال ءِ تہ ءَ سیکورٹی آپریشن ءِ ساھت ءَ 760 ناشرکار بیران بوتگ اَنت۔ بلوچستان ءِ سر وزیر ءَ ھشدار داتگ کہ خیبر پختونخوا ءُ بلوچستان ءَ گیش بوھوکیں ناشرکاری ءَ یک مزنیں سیکورٹی چیلنج ءِ جوڑ کتگ کہ ایشی ءَ چہ نہ ایوک ءَ پاکستان ءِ واستہ بلکینگ ءَ سرجمیں دمگ ءِ واستہ ھترہ انت۔ آئی ءَ گوشت کہ منظم، تربیت یافتہ ءُ سرجمیں وس ءُ واک ءِ سر ءَ پاکستانی اُرد ءِ ھست بوھگ ءُ مھکمیں راج ءِ کمک ءَ گوں دژمن ءِ سوبمندی ءِ امکان صفر اَنت۔ آئی ءَ گوشت کہ ھما جاور دژمن ءِ عناصر آنی دستاں مھکم کنت۔ آئی ءَ گوشت کہ ما دیستگ کہ 9 ءُ 10 مئی ءَ پاک فوج ءُ راج ءَ یکجاھی ءَ بھارت ءِ نا شریں منصوبگ آناں ناکام کتگ۔ بنجاھی وزیر ءَ ھشدار داتگ کہ پاک سلاہ بندیں اُرد ءِ ھلاپ ءَ مُدامی پروپیگنڈا راجی سلامتی ءِ ھوپ جوڑ بوھگ ءَ اِنت۔ سرفراز بگٹی ءَ گوشت کہ ناشرکار آناں گر ءُ دار کنگ ءُ ایشانی رسد ءِ کمک ءَ را کٹگ المی تریں گامگیج انت، اوگانستان ءَ بے رھبندی ناشرکار آنی رسد ءَ را آسان کنت۔ اے بدی ءِ ھلاپ ءَ جنگ سیاسی سروکی ءِ بنیاتی راجی ذمہ واری اِنت۔ اے تھنا پوج ءِ جنگ نہ اِنت بلکیں سرجمیں پاکستانی راج ءِ ھجائی جنگ اِنت۔ آئی ءَ گوشت کہ راج دوستی ءِ دعویٰ آں چہ راستی ءِ دیم ءَ اوشتگ المی انت ءُ راج ءَ را وتی دفاعی ادارگ آنی کمک ءَ چہ دژمن ءِ بد نیتی آناں ہلاس کنگی بیت۔