نیشنل ہائی ویز اینڈ موٹروے پولیس ءَ مُج ءِ موسم ءِ ھاتر ءَ سفری پنت ءُ شون ءِ جار جتگ

اسلام آباد۔7دسمبر  (اے پی پی):نیشنل ہائی ویز ءُ موٹروے پولیس ءَ دھند ءِ موسم ءِ واستہ ٹریول ایڈوائزری جاری کتگ۔ یک شمبے ءِ روچ ءَ نیشنل ہائی ویز ءُ موٹروے پولیس ءِ جارکش ءِ نیمگ ءَ جاڑی بوتگیں بیان ءِ رد ءَ دھند ءِ تہ ءَ گندگ ءِ کمی ءِ سبب ءَ حادثہ آنی تہ ءَ گیشی ءِ ھترہ است اِنت۔ شدید دھند ءِ وھد ءَ موٹروے عارضی وڑا بند کنگ بیت کنت۔ موٹروے پولیس ءِ جارکش ءِ رد ءَ تکلیف ءِ چہ بچگ ءِ ھاتر ءَ شہری وتی سفر ءَ چہ 10بج ءَ بگر داں 8بج ءَ سرجم بہ کن اَنت، شپ ءَ بے وسی ءِ سفر ءَ چہ بہ رکّ اَنت، گاڑی ءِ تہ ءَ دھند ءِ چراگاں کارمرد بہ کن اَنت ءُ وائپراں جوانیں جاور ھال ءَ بہ دار اَنت۔ ترجمان ءِ رد ءَ دیم ءَ گاڑی ءَ چہ گیش دوری ءَ بہ دار اِت ءُ دھند ءِ تہ ءَ ھچبر ہائی بیم ءِ کارمرز مہ کن اِت پرچا کہ ایشی ءَ چہ دیم ءِ گندگ گیشتر کم بیت۔ ترجمان ءِ رد ءَ روڈ اپ ڈیٹ ءِ واستہ سفر ءِ بندات کنگ ءَ پیسر ہیلپ لائن 130 ءَ گوں فون بکن اِت، موٹروے پولیس ءِ سوشل میڈیا @nhmp یا ریڈیو ایف ایم 95 ءَ ہینڈل کنت۔ترجمان ءِ رد ءَ موٹروے پولیس مدام لس مھلوک ءِ ایمنیں سفر ءِ ھاترا کار کنگ ءَ اِنت، ءُ شمئے ایمنی مارا گران اِنت۔