پاکستان یک ذمہ واریں ریاستے، ایشی ءِ سرجمیں ادارہ ایشانی تہا سلاہ بندیں اُرد راجی ایمنی ءِ مھکمیں ستون اَنت، درئی کارانی کارگس ءِ جارکش

اسلام آباد۔7دسمبر  (اے پی پی):پاکستان یک ذمہ واریں ریاستے، ءُ ایشی ءِ درستیں ادارگ، ایشی ءِ تہ ءَ سلاہ بندیں اُرد راجی ایمنی ءِ مھکمیں ستون اَنت کہ آ مدام ملک ءِ وت واجہی ءُ سرزمین ءِ یکوئی ءِ رکھینگ ءِ ھاترا جزم اَنت۔ مئی 2025 ءِ جنگ ءَ پاکستانی سلاہ بندیں اُرد ءِ پیشہ وارانہ لیکہ ءُ ماتیں وطن ءِ دفاع ءِ ھاترا وتی جزم ءِ سرا ھاسیں رنگ ءَ ثبوت دات۔ ہچ پروپیگنڈا اے گپ ءَ رد نہ کنت۔ یک شمبے ءِ روچ ءَ بھارتی وزیر ءِ درئی کار ءِ گوستگیں بیان ءِ ھوالگ ءَ میڈیا ءِ جست ءُ پرس ءِ پسو ءَ درئی کارانی کارگس ءِ جارکش طاہر آندرابی ءَ گوشت کہ پاکستان بھارتی وزیر ءِ درئی کار ءِ سکیں اشتعال انگیز، بے بن ءُ بے ذمہ داریں بیان ءَ را رد کنت ءُ سک مذمت کنت۔ پاکستان یک ذمہ واریں ریاست اِنت ءُ ایشی ءِ سرجمیں ادارگ ایشانی تہ ءَ سلاہ بندیں اُرد راجی ایمنی ءِ مھکمیں ستون اَنت کہ آ مدام ملک ءِ وت واجہی ءُ سرزمین ءِ یکوئی ءِ رکھینگ ءِ ھاترا جزم اَنت۔ مئی 2025 ءِ جنگ ءَ پاکستانی سلاہ بندیں اُرد ءِ پیشہ وارانہ لیکہ ءُ ماتیں وطن ءِ دفاع ءِ ھاترا وتی جزم ءِ سرا ھاسیں رنگ ءَ چمشانک داتگ۔ ہچ پروپیگنڈا اے گپ ءَ رد نہ کنت۔ بھارتی سروکی ءِ پاکستان ءِ سرکاری ادارہ ءُ سروکی ءِ بدنام کنگ ءِ کوشست یک پروپیگنڈا مہم ءِ بہر انت کہ ایشی ءِ مول ءُ مراد دمگ ءَ بھارت ءِ بے رھبندیں کارروائی ءُ پاکستان ءَ آئی ءِ سرکاری سرپرستی ءِ ناشرکاری ءَ چہ دلگوش ءَ کشگ انت۔ اے وڑیں سوزناکیں بیاناں چہ ہندوستان ءِ دمگی امن، استحکام ءُ یکوئی ءِ بے احترامی ءِ پدر کنگ بیت۔ آئی ءَ گوشت کہ پاکستانی سلاہ بندیں اُرد ءِ بابت ءَ گمراہ کنوکیں بیان دیگ ءِ بدل ءَ بھارت وتی فاشسٹ ءُ ہندوتوا ءِ ذہنیت ءِ چار ءُ تپاسی ءَ بہ کنت کہ آئی ءَ سرجمیں ملک ءَ ٹولی ءِ زوراکی، غیر عدالت ءِ کشگ، وتی مرضی ءِ آمید گس ءُ جائیداد ءُ عبادت جاہ آنی ھلاس کنگ ءَ را گیش ءُ گیوار کتگ۔ ہندوستان ءِ ریاست ءُ آئی ءِ سروکی دوئیں مذہب ءِ نام ءَ شنگ بوتگیں اے رستر ءِ آماچ بوتگ انت۔ پاکستان ءَ امن ءُ ایمنی ءِ ھواری ، گپ ءُ تران ءُ سفارتکاری ءِ سر ءَ ایمان انت ۔ بلے پاکستان وتی مفاد ءُ وت واجہی ءِ گر ءُ دار ءَ تپاک ءُ مھکم اِنت ۔