خیبر پختونخوا ءَ دو جتا جتائیں آپریشن ءِ تہ ءَ سیکورٹی فورسز ءَ ھندوستان ءِ کمک ءَ فتنہ الخوارج ءِ 9 ناشرکار  آناں کشتگ ، آئی ایس پی آر

راولپنڈی ۔6دسمبر  (اے پی پی): خیبر پختونخوا ءِ جتا جتائیں دمگاں دو جتا جتائیں آپریشن ءِ تہ ءَ سیکورٹی فورسز ءَ بھارت ءِ کمک ءَ چہ سیادی داروکیں فتنہ الخوارج ءِ 9 ناشرکار کشتگ اَنت۔ شمبے ءِ روچ ءَ پاک فوج ءِ انٹر سروسز پبلک ریلیشنز ءِ رد ءَ سیکورٹی فورسز ءَ ھال ءُ اھوال ءِ بنیاد ءَ ضلع ٹانک ءَ آپریشن کتگ ۔ آپریشن ءِ ساھت ءَ پاک فوج ءَ ناشرکار آنی پناہ گاہ ءَ را جوانیں رنگ ءَ نشانگ جوڑ کتگ ءُ شدیدیں تیرگواری ءَ پد 7 ناشرکار کشتگ اَنت۔ سیکورٹی فورسز ءَ ضلع لکی مروت ءَ خوارج ءِ ھلاپ ءَ ھم انٹیلی جنس ءِ بنیاد ءَ دگہ آپریشن کتگ کہ اودا تیرگواری ءِ بدلی ءَ 2 دگہ ناشرکار بیران بوتگ انت۔ اے فعالیں خوارج ناشرکاراں چہ بھارت ءِ کمک ءَ سلاہ ءُ گولہ بارود ھم برآمد کنگ بوتگ۔ اے درستیں ناشرکار سیکورٹی فورسز، قانون نافذ کنوکیں ادارہانی ھلاپ ءَ ناشرکاری کارروائی ءُ بے گناہیں شہری ءِ نشانگ جوڑ کنگ ءَ ھوار بوتگ انت۔ دمگ ءَ ھستیں ھندی کمک ءِ ناشرکار آناں ھلاس کنگ ءِ ھاترا سینیٹائزیشن آپریشن برجاہ اِنت۔ فیڈرل اپیکس کمیٹی برائے نیشنل ایکشن پلان ءِ منظوری ءِ رد ءَ  "عزمِ استحکام”  ءِ چیر دستی ءَ سیکورٹی فورسز ءُ کانود ءِ نفاذ ءِ ادارگ آنی برجاھیں ناشرکاری ءِ ھلاپ ءَ مہم سرجمیں توان ءَ گوں برجاہ بیت دانکہ درملکی حمایت کتگیں ناشرکاری ءِ آفت یک رندے پدا چہ ملک ءَ ھلاس کنگ بہ بیت۔