مئے کرّا ناجائزیں امیگریشن ءِ ھوالگ ءَ یک ھاسیں پالیسی یے است، پاک ءُ امریکہ ءِ سیادی ءَ را مھکم کنگ ءِ ھاترا جزم اِنت، منشیات ءِ ھلاپ ءَ امریکی تکنیکی کمک ءَ را وش آتک کنت، تہی کارانی وزیر محسن نقوی

اسلام آباد۔6دسمبر  (اے پی پی): وفاقی وزیر داخلہ محسن نقوی ءَ گوشت کہ مئے ناجائزیں امیگریشن ءِ ھوالگ ءَ یک ھاسیں پالیسی یے است، پاک ءُ امریکہ ءِ سیادی ءَ را دیریں سیادی ءَ را گیش مھکم کنگ ءِ ھاترا جزم انت، انسداد منشیات ءِ واستہ امریکی تکنیکی کمک ءَ را وش آتک کنت، نیشنل منشیات ءِ کوآرڈینیشن سینٹر پریم وزیر محمد شیفہ ءِ ہدایت ءِ رد ءَ زوت جوڑ کنگ بیت۔ شمبے ءِ روچ ءَ وزارت داخلہ ءِ نیمگ ءَ جاڑی بوتگیں بیان ءِ رد ءَ وزیر داخلہ ءَ امریکی ادارُکی سفیر نیٹلی بیکر ءَ گوں گند ءُ نند ءِ ساھت ءَ اے ھیالانی درشانی کتگ۔ اے موہ ءِ سر ءَ انسداد منشیات ءُ ایمنی ءِ شوبگ ءَ دو نیمگی کمک ءِ تہ ءَ گیشی ءِ سر ءَ گپ ءُ تران کنگ بوت، غیر کانودی مہاجرین ءِ گر ءُ دار ءِ واستہ یکجائی گامگیج، منشیات ءِ گر ءُ دار ءِ تہ ءَ کمک ءُ انٹیلی جنس شیئرنگ ءِ سر ءَ تپاک کنگ بوت۔ امریکی سفیر ءَ منشیات ءِ ھلاپ ءَ ءُ ناجائزیں امیگریشن ءِ واستہ ھرچ وڑیں تکنیکی کمک ءِ پیشکش کتگ۔ وزیر داخلہ محسن نقوی ءَ گوشت کہ مئے ناجائزیں امیگریشن ءِ ھوالگ ءَ یک ھاسیں پالیشی یے است، بالی پٹ آنی سر ءَ منشیات ءِ کیس آناں گیش ءَ چہ گیش پجارینگ اولی ترجی اِنت، ءُ ملک ءِ سرجمیں بالی پٹ آنی سر ءَ نوکیں اسکیننگ مشین ایر کنگ بوھگ ءَ اِنت۔ محسن نقوی ءَ گوشت کہ ما منشیات ءِ گر ءُ دار ءِ واستہ صفر برداشت ءِ پالیشی ءِ سر ءَ سک باز عمل کنگ ءَ ایں ۔ مروچی ھم اوگانستان ءَ چہ دراتکگیں نشہ درجناں ملکاں سر بوھگ ءَ انت ءُ نوکیں پدریچ ءَ تباہ کنگ ءَ انت۔ تہی کارانی وزیر ءَ گوشت کہ ما منشیات ءِ گر ءُ دار ءِ واستہ امریکہ ءِ ٹیکنیکل کمک ءَ را وش اتک کن آں ۔ پاک ءُ امریکہ ءِ سیادی دمگ ءَ امن ءُ ایمنی ءِ دیمروئی ءِ واستہ سک باز المی انت ءُ ما اے دیریں سیادی ءَ را گیش مھکم کنگ ءِ واستہ دلجم ایں ۔ محسن نقوی ءَ گوشت کہ مزن وزیر محمد شہباز شریف ءِ ہدایت ءِ رد ءَ راجی منشیات کوآرڈینیشن سنٹر زوت جوڑ کنگ بیت۔ گند ءُ نند ءِ ساھت ءَ اے این ایف ءِ کارکردگی ءُ سرجمیں ملک ءَ برجاھیں کارروائی آنی ھوالگ ءَ سرجمیں بریفنگ دیگ بوت، ایشی ءِ تہ ءَ ھال دیگ بوت کہ سالانہ منشیات ءِ ھلاپ ءَ مہم ءِ چیر دستی ءَ 134 ٹن منشیات، 2001 ملزم ھوار 75 درملکی مردم ءُ منشیات ءِ دزگیر کنگ بوتگ 12.797 ارب ڈالر ءِ شہری بوتگ۔ بلوچستان، کے پی کے ءُ سندھ ءَ 110 اوگان شہری دزگیر کنگ بوتگ ءُ 40 ہزار 659 ایکڑ زمین ءِ سرا چہ پوست ءَ آزاتیں حیثیت برجاہ دارگ بوتگ۔ اے موہ ءِ سر ءَ امریکی ادارُکی سفیر نیٹلی بیکر ءَ اے این ایف ءِ کارکردگی ساڑات ءُ گوشت کہ ما پاکستان ءِ گوما سیادی ءَ را ھاسیں ارزشت ءَ دئیگ ءَ ایں ءُ ھمک پڑ ءَ کمک ءَ را برجاہ دار ایں ۔ دیوان ءَ وفاقی سیکرٹری داخلہ، ڈی جی اے این ایف، ڈائریکٹر انفورسمنٹ، امریکی سفارتخانہ ءِ نمائندہ ءُ اے دگہ کارندہ آں ہم بہر زرتگ۔