تحریک انصاف ءِ گوما گپ ءُ تران ءِ امکان ھلاس بوتگ، سینیٹر رانا ثنا اللہ

اسلام آباد۔6دسمبر  (اے پی پی): سیاسی کارانی باروا مزن وزیر ءِ صلاحکار سینیٹر رانا ثناء اللہ ءَ گشتگ تحریک انصاف ءِ گوما گپ ءُ تران ءِ امکان ہلاس بوتگ، آشوب، زوراکی یا انتہا پسند سوچ ءِ حمایت کنوکاں گوں گپ ءُ تران نہ بیت۔ شمبے ءِ روچ ءَ یک انٹرویو ءِ تہ ءَ آئی ءَ گوشت کہ مئے راجی حاکمی ءُ شرپ ءِ سر ءَ ھچ وڑیں مصالحت بوت نہ کنت۔ ما گپ ءُ تران ءَ را وش آتک کنیں بلے مئے پیسلہ راجی مفاد ءُ بنیاتی قدر ءُ قیمتانی رکھینگ ءِ ضلورت ءِ سرجمی ءَ رھشونی کنگ بنت۔ آئی ءَ گوشت کہ پاکستان تحریک انصاف ءَ بامردیں گپ ءُ تران ءِ واستہ یک مزنیں موہ ءِ زوال کتگ۔ آئی ءَ گوشت کہ زوراکی، آشوب یا انتہا پسندی ءِ نظریات شنگ کنوکیں مردم یا گل آنی گوما گپ ءُ تران برداشت کنگ نہ بیت ءُ حکومت راجی استحکام ءِ رکھینگ ءِ واستہ سرجمیں رنگ ءَ جزمیگ انت۔ آئی ءَ گوشت کہ مزن وزیر شہباز شریف ءَ تحریک انصاف ءَ را پارلیمنٹ ءَ گپ ءُ تران ءِ واستہ باقاعدہ دعوت داتگ ات ءُ مزن وزیر ءَ نہ آ آفر پچ کتگ ءُ نہ آئی ءِ ارادہ انت کہ آ آفر ءَ پد بہ کنت۔ یک جُستے ءِ پسو ءَ آئی ءَ گوشت کہ راستیں جمہوریت ءِ تہ ءَ ھچ وڑیں بن بست نیست، البت گپ ءُ تران مدام راستیں راہ اِنت۔ تحریک انصاف ءِ انوگیں رویہ ءُ پروپیگنڈا ھمے رھبند ءِ ھلاپ ورزی انت ءُ اوپار کنگ نہ بیت ۔