فورسز ءِ موثر حکمت عملی، ڈیرہ بگٹی ءَ فتنہ ہندوستان ءِ درجناں ناشرکاراں ریاست ءِ دیم ءَ سرنڈر کتگ

اسلام آباد۔6دسمبر  (اے پی پی): ناشرکاری ءِ ھلاپ ءَ موثر حکمت عملی ءِ رد ءَ فتنہ ہندستان ءِ ناشرکاراں ریاست ءِ دیم ءَ سرنڈر کتگ۔ تفصیلات ءِ رد ءَ فتنہ الهندستان بی آر اے ءِ کمانڈر وادرہ نور علی چکرانی ءُ آئی ءِ 74 سنگتاں ریاست ءِ دیم ءَ سرنڈر کتگ۔ ناشرکارانی کمانڈر وادرہ نور علی چکرانی ءُ آئی ءِ 74 ھمراہاں پاکستان ھاوس ضلع سوئی ڈیرہ بگٹی ءَ سرنڈر کتگ۔ ناشرکارانی تسلیم بوھگ ءِ وھد ءَ ڈیرہ بگٹی ضلع ءِ مہمان ءُ رسانکدر ءِ نمائندگ ھم ھوار بوتگ اَنت۔ بی آر اے ءِ بدکاراں نور علی چکرانی ءُ آئی ءِ ھمراھانی سر ءَ ھم ھما وھد ءَ اُرش کتگ کہ آ سرنڈر کنگ ءِ ھاترا پاکستان ھاوس ءَ روگ ءَ اِت اَنت۔ سرنڈر کنوکیں ناشرکار آں پاکستان ہاؤس ءِ کریٹکر میر آفتاب بگٹی ءُ ڈپٹی کمشنر (ڈیرا بگٹی) ءِ پیشدارگ ءَ مزنیں کساسے ءَ سلاہ ءُ گولہ بارود سرنڈر کتگ ۔ ودیرہ نور علی چکرانی ءَ نہ ایوک ءَ سرنڈر کتگ بلکیں فتنہ الهندستان ءِ ھلاپ ءَ چکرانی امن فورس ءِ جوڑ کنگ ءِ جار ھم جتگ۔ ودیرہ نور علی چکرانی ءِ تسلیم بوھگ ڈیرہ بگٹی ضلع ءِ انوگیں جاور آنی  تہا یک مزنیں دیمروئی یے ۔ وڈیرہ نور علی چاکرانی  ءُ آئی ءِ ھمراھانی سرنڈر کنگ بلوچستان ءَ کار کنوکیں دگہ ناشرکاریں تنظیمانی سر ءَ مزنیں دھکے انت ۔ انسداد ناشرکاری ءِ رد ءَ سیکورٹی فورسز ءِ موثریں کارروائی ءُ حکمت عملی ءِ سبب ءَ نوں ناشرکارانی ریاست ءِ دیم ءَ تسلیم بوھگ ناگزیر بوتگ۔