وزیر داخلہ محسن نقوی 2 سوبمندیں آپریشن ءِ وھد ءَ 9 خوارج ءِ کوش ءِ پد ءَ سیکورٹی فورسز ءَ را  توسیپ ءُ ستا

اسلام آباد۔6دسمبر  (اے پی پی): وفاقی تہی کارانی وزیر محسن نقوی ءَ خیبر پختونخوا ءَ بھارت ءِ سرپرستی ءَ ناشرکار آنی ھلاپ ءَ 2 سوبمندیں آپریشن ءِ واستہ سیکورٹی فورسز ءِ توسیپ کنان ءَ 9خوارج ءِ کوش ءِ واستہ فورسز ءِ پیشہ وارانہ لیکہ ءِ توسیپ کت۔ شمبے ءِ روچ ءَ وزارت داخلہ ءِ نیمگ ءَ جاڑی بوتگیں بیان ءِ تہ ءَ محسن نقوی ءَ گوشت کہ سیکورٹی فورسز ءَ وھد ءِ سر ءَ گامگیج زورگ ءَ چہ خوارج کشتگ اَنت۔ خوارج ءِ بدیں نیت ءِ ھلاس کنگ ءِ ھاترا سیکورٹی فورسز ءَ را شگر ءُ منت وار آں ۔ محسن نقوی ءَ گوشت کہ من ءَ سیکورٹی فورسز ءِ جرات ءُ پیشہ وارانہ لیکہ ءِ سر ءَ فخر اِنت، ءُ فتنہ الخوارج ءِ ھلاپ ءَ سیکورٹی فورسز مزنیں سوبمندی یے رسگ ءَ اَنت۔ آئی ءَ گوشت کہ سیکورٹی فورسز خیبر پختونخوا ءَ امن ءِ برجائی ءِ واستہ جزمیگ انت۔