راجی اسمبلی ءِ اسپیکر سردار ایاز صادق ءَ نشان حیدر میجر محمد اکرم شہید ءِ 54می شہادت ءِ رد ءَ توسیپ ءُ ستا

اسلام آباد۔5دسمبر  (اے پی پی): راجی اسمبلی ءِ اسپیکر سردار ایاز صادق ءَ 54می شہادت سالروچ ءِ درگت ءَ نشان حیدر میجر محمد اکرم شہید ءَ را شگر ءُ منت دیان ءَ گوشت کہ من میجر محمد اکرم شہید ءِ ابدمانیں قربانی ءَ را شگر ءُ منت دیان آں ۔ جمعہ ءِ روچ ءَ وتی کلوہ ءِ تہ ءَ آئی ءَ گوشت کہ میجر محمد اکرم شھید ءِ بہادری پاکستان ءِ فوجی راجدپتر ءِ تہ ءَ یک زرین دیبے ۔ نشان حیدر میجر محمد اکرم شہید ءَ ہلی ءِ جنگ ءَ دژمن ءِ بے کساسیں اُرش دیم ءَ کش اِت اَنت۔ آئی ءَ 1971 ءِ جنگ ءَ دژمن ءَ مزنیں تاوانے دات۔ راج وتی مزنیں بامرد ءَ دائم ءَ یات کنت۔ اسپیکر سردار ایاز صادق ءَ ھم دعا کتگ کہ نشن حیدر شہید میجر محمد اکرم ءِ اگدہ برز کنگ بہ بنت۔