چیف آف ڈیفنس فورسزفیلڈ مارشل سید عاصم منیر ، چیف آف نیول اسٹاف، چیف آف فضائیہ ءُ سلاہ بندیں اُرد ءِ میجر محمد اکرم شہید ءَ را  توسیپ ءُ ستا پیش

راولپنڈی ۔5دسمبر  (اے پی پی): چیف آف ڈیفنس فورسزفیلڈ مارشل سید عاصم منیر، پاک  بحریہ  ءِ سروک  ایڈمرل نوید اشرف  ءُ  پاک فضائیہ ءِ سروک ائیر چیف مارشل  ظہیر احمد  بابر سدھو ءَ پاکستان  ءِ  سلاھ بندیں   اُرد   ءِ نیمگ  ءَ چہ میجر محمد اکرم شہید، نشان حیدر ءِ 54 پنجاھ ءُ چارمی یوم ءِ شہادت ءِ توسیپ ءُ ستا کت۔  پاکستانی فوج ءِ انٹر سروسز پبلک ریلیشنز (آئی ایس پی آر) ءِ نیمگ ءَ چہ شنگ بوتگیں بیان ءِ رد ءَ میجر محمد اکرم شہید ءَ 1971 ءَ ہلی سیکٹر (مشرقی پاکستان) ءَ 4 فرنٹیئر فورس رجمنٹ ءِ کمپنی ءِ سروکی کنگ ءِ وھد ءَ غیر معمولی ہمت ءُُ استقامت ءِ درشانی کتگ۔ دشمن ءَ را ھچ وڑیں جنگی فائدہ ءِ رسگ ءِ اجازت نہ دات۔ پدا 3 دسمبر 1971 ءَ آئی ءَ را دژمن ءِ مھکمیں قلعہ بندیں جاہانی سرا اُرش کنگ ءِ پرمان رست۔ آئی ءَ گوں بے دروریں جزم ءَ دیم ءَ شُت ءُ دژمن ءِ سئے ٹینک ھلاس کنگ ءَ سوبین بوت۔ البت چہ سکیں ٹپی بوھگ ءَ ابید ھم آئی ءَ گوں دلیری ءَ جنگ برجاہ داشتگ۔ دسمبر 1971 ءَ آئی ءَ وت ءَ قربان کت ءُ ہمت ءُ فرض ءِ مستریں مثال پیش کت۔ میجر محمد اکرم شہید ءِ بے مَرگیں بہادری پاکستانی سلاہ بندیں اُرد ءِ بے دروریں  رژنائیں نشان اِنت۔ ایشانی قربانی آیوکیں نسلانی واستہ رژنائی ءِ چراگ ءِ دروشم ءَ برجاہ اِنت ءُُ مھروانیں وطن ءِ حاکمیت ءُُ علاقائی یکوئی ءِ دفاع ءِ جزم ءَ گیش مھکم کنت۔ مرچی پاکستان ءِ سلاہ بندیں اُرد پاکستان ءِ توامیں شہید آنی ابدمانیں قربانی آناں یات کنگ ءِ جزم ءَ نوک کن اَنت۔ راج مدام وتی تمردیں بچّانی سر ءَ پھر کنت، کہ آیانی کُربانی پاکستان ءِ راجدپتر ءَ زرین آباں گوں نبشتہ کنگ بوتگ اَنت۔