مزن وزیر محمد شہباز شریف ءَ ملائیشیا ءِ مزن وزیر ءَ گوں فون کتگ، ملائیشیا  ءَ برجاھیں ریسکیو آپریشن آنی تہ ءَ پاکستان ءَ را ھمک رنگ ءِ کمک ءِ دل یکیمی

اسلام آباد۔5دسمبر  (اے پی پی): مزن وزیر محمد شہباز شریف ءَ ملائیشیا ءِ مزن وزیر داتو سری انور ابراہیم ءَ گوں فون کتگ ءُ گوستگیں طوفان ءِ سبب ءَ بوتگیں تباہی ءِ سر ءَ ملائیشیا ءِ حکومت ءُ الس ءَ گوں یکوئی ءِ درشانی کتگ۔ جمعہ ءِ روچ ءَ مزن وزیر کارگس ءِ میڈیا ونگ ءِ نیمگ ءَ چہ جاڑی بوتگیں بیان ءِ رد ءَ مزن وزیر شہباز شریف ءَ ملائیشیا ءِ مزن وزیر ءَ گوں دل ءِ جہلانکی ءَ دلپدردی ءِ درشانی کتگ کہ گوستگیں روچاں چہ بوتگیں ھئور، زمین چنڈ ءُ ھئور ءِ سبب ءَ بوتگیں ھئور ءِ سبب ءَ جانی ءُ مال ءِ تاوان بوتگ۔ مزن وزیر ءَ پش کپتگیں کھول ءِ گوما دلپدردی ءِ درشانی کت ءُ ٹپیگ ءُ آوار جتگیں مردمانی زوت جان سلامتی ءِ واھشت مند کت۔ مزن وزیر ءَ اے گرانیں وھد ءَ ملائیشیا ءِ الس ءِ گوما سرجمیں یکوئی ءُ ھمدردی ءِ درشان کت ءُ ملائیشیا ءَ برجاھیں ریلیف ءُ ریسکیو آپریشن آنی تہ ءَ پاکستان ءَ را ھمک رنگ ءِ کمک ءِ دل یکیمی ھم دات۔ مزن وزیر ءَ گوشت کہ پاکستان ریلیف آپریشن آنی تہ ءَ ملائیشیا ءِ حکومت ءِ لوٹ ءِ کجام ھم رنگ ءِ کمک ءَ کنت۔ ملائیشیا ءِ مزن وزیر انور ابراہیم ءَ پاکستان ءِ مزن وزیر ءِ منت گپت ءُ گوشت کہ اے گرانیں وھد ءَ ھمدردی ءُ دلگوشی ءِ درشان ءُ رابطہ کاری پاکستان ءُ ملائیشیا ءِ نیام ءَ نزیکیں ءُ براتی سیادی ءِ درشان اِنت۔