مزن وزیر شہباز شریف ءُ کرغزستان ءِ صدر صادر ژ پاروف   ءَ گند ءُ نند کتگ، تجارت، توانائی، رابطہ ءُ اے دگہ شوبگاں وت مہ وتی کمک ءِ بابت ءَ حیال ءُ لیکہ درشان کتگ

اسلام آباد۔4دسمبر  (اے پی پی): مزن وزیر محمد شہباز شریف ءُ کرغزستان ءِ صدر صادر ژ پاروف   ءِ نیام ءَ دو نیمگی گند ءُ نند بوت ایشی ءِ تہ ءَ تجارت، توان، رابطہ ءُ ایندگر شوبگ آنی تہ ءَ وت مہ وتی کمک ءِ سر ءَ ھیال ریچی کنگ بوت۔ پنچ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ بازیں سالاں پد کرغزستان ءِ سروک ءِ پاکستان ءِ تر ءُ تاب ءَ را سک باز وش آتک لیک اِتگ ءُ گوشت کہ صدر سدیر ژاپاروف ءِ اے تر ءُ تاب دو نیمگی کمک ءَ را گیش دیمروئی دیگ ءَ سک باز پائدگ مند ثابت بیت۔ گند ءُ نند ءِ ساھت ءَ صدر صدر ژاپرو ءَ مزن وزیر محمد شہباز شریف ءِ شگر ءُ منت گپت کہ آئی ءَ را پاکستان ءَ جوانیں وش اتک کنگ بوتگ۔ صدر صادر ژ پاروف   ءَ پاکستان ءِ گوما جتا جتائیں شوبگ آنی تہ ءَ کمک ءَ را گیش گیش کنگ ءِ واھشت ءِ درشان کت ءُ وت مہ وتی کمک ءِ واستہ نوکیں موہ آناں پٹ ءُ پول کنگ ءِ واھشت ءِ درشان کت۔ گند ءُ نند ءَ چیف آف آرمی اسٹاف فیلڈ مارشل سید  عاصم منیر، نائب مزن وزیر ءُ دری کارانی وزیر محمد اسحاق ڈار، راجی سلامتی ءِ مشیر لیفٹیننٹ جنرل عاصم ملک ءُ ھاسیں کمکار طارق فاطمی ھم ھوار اتنت۔