کرغزستان ءِ صدر صادر ژپاروف  ءَ را مزن وزیر ءِ گس ءَ گرمیں وش آتک کنگ بوت، سلاہ بندیں اُرد ءِ یک رژنائیں دستہ ءَ گارڈ آف آنر پیش

اسلام آباد۔4دسمبر  (اے پی پی): مزن وزیر گس ءَ کرغزستان ءِ صدر صادر ژپاروف  ءَ را وش آتک کنگ بوت۔ مزن وزیر محمد شہباز شریف ءَ شرپداریں مہمان ءَ را وش آتک کت، ءُ دوئیں راہشوناں گوں گرمیں دست ءُ دیم کت۔ پنچ شمبے ءِ روچ ءَ مزن وزیر گس ءَ کرغزستان ءِ صدر ءِ شرپ ءَیک شلیں وش اتکی  مراگش برجم دارگ بوت۔ یک رژنائیں دستہ ءِ مسلح افواج ءَ آئی ءَ را گارڈ آف آنر پیش کت۔ کرغزستان ءِ صدر ءَ گارڈ آف آنر ءِ چار ءُ تپاسی کتگ۔ اے موہ ءِ سر ءَ دوئیں ملک آنی راجی سوت ھم الہان ​​کنگ بوت۔ کرغزستان ءِ صدر ءَ وتی ڈل ءِ باسکاں مزن وزیر محمد شہباز شریف ءَ گوں پجار کت، وھدیکہ مزن وزیر شہباز شریف ءَ کابینہ ءِ باسکاں کرغزستان ءِ صدر ءَ گوں ھم پجار کت۔ کرغزستان ءِ صدر ءَ مزن وزیر ایوان ءِ  دیم ءَ یک نہال ءِکشت ۔