اسلام آباد۔4دسمبر (اے پی پی): مزن وزیر محمد شہباز شریف ءُ کرغزستان ءِ صدر صادر ژ پاروف ءِ نیام ءَ دو نیمگی گند ءُ نند ءِ برجم دارگ بوت ایشی ءِ تہ ءَ تجارت، توانائی، رابطہ ءُ اے دگہ جتا جتائیں شوبگ آنی تہ ءَ وت مہ وتی کمک ءِ سر ءَ ھیال ریچی کنگ بوت۔ پنچ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ …
مزن وزیر شہباز شریف ءُ کرغزستان ءِ صدر صادر ژ پاروف ءَ گند ءُ نند کتگ، بیپار، توانائی، رابطہ ءُ اے دگہ جتا جتائیں شوبگ آنی تہ ءَ وت مہ وتی کمک ءِ سر ءَ گپ ءُ تران
اسلام آباد۔4دسمبر (اے پی پی): مزن وزیر محمد شہباز شریف ءُ کرغزستان ءِ صدر صادر ژ پاروف ءِ نیام ءَ دو نیمگی گند ءُ نند ءِ برجم دارگ بوت ایشی ءِ تہ ءَ تجارت، توانائی، رابطہ ءُ اے دگہ جتا جتائیں شوبگ آنی تہ ءَ وت مہ وتی کمک ءِ سر ءَ ھیال ریچی کنگ بوت۔ پنچ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ بیست سال ءَ پد کرغزستان ءِ سروک ءِ پاکستان ءِ تر ءُ تاب سک باز وش اتک کنگ بیت۔ صدر صادر ژ پاروف ءِ اے تر ءُ تاب دو نیمگی کمک ءَ را گیش دیمروئی دیگ ءِ واستہ سک باز کارآمد ثابت بیت۔ گند ءُ نند ءِ تہ ءَ صدر صدر ژاپرو ءَ پاکستان ءَ جوانیں وش آتکی ءِ پد ءَ مزن وزیر محمد شہباز شریف ءِ شگر ءُ منت گپت۔ صدر صادر ژاپاروف ءَ پاکستان ءِ گوما جتا جتائیں شوبگ آنی تہ ءَ کمک ءَ را گیش گیش کنگ ءِ واھشت ءِ درشان کت ءُ وت مہ وتی کمک ءِ واستہ نوکیں موہ آنی شوھازگ ءِ واھشت ءِ درشان کت۔ گند ءُ نند ءَ آرمی ءِ سروک فیلڈ مارشل سید عاصم منیر، نائب مزن وزیر ءُ دری کارانی وزیر محمد اسحاق ڈار، راجی سلامتی ءِ مشیر لیفٹیننٹ جنرل عاصم ملک، ءُ ھاسیں کمکار طارق فاطمی ھم ھوار اتنت۔
