نائب مزن وزیر ءُ دری کارانی وزیر اسحاق ڈار ءَ کرغزستان ءِ صدر صادر ژاپاروف ءَ گوں گند ءُ نند کتگ، دو نیمگی کمک ءَ را گیش کنگ ءِ بابت ءَ ھیال ریچی

اسلام آباد۔4دسمبر  (اے پی پی): نائب مزن وزیر ءُ درئی کارانی وزیر سینیٹر محمد اسحاق ڈار ءَ پنچ شمبے ءِ روچ ءَ کرغزستان ءِ صدر صادر ژپاروف  ءَ گوں گند ءُ نند کت۔ درئی کارانی کارگس ءِ رد ءَ نائب مزن وزیر ءَ صدر صادر ژپاروف  ءُ آئی ءِ ڈل ءَ را پاکستان ءَ وش آتک کتگ ءُ صدر آصف علی زرداری ءُ مزن وزیر محمد شہباز شریف ءِ نیمگ ءَ نیک راھی ءِ کلوہ ھم سر کتگ۔ آئی ءَ وت مہ وتی سیت ءِ درستیں پڑ آنی تہ ءَ پاک کرغزستان ءِ سیادی ءَ را گیش مھکم کنگ ءِ واستہ بُرزیں سیاسی تک ءَ پاکستان ءِ مھکمیں جزم ءِ سر ءَ زور پر دات۔ نائب مزن وزیر ءَ صدر صادر ژپاروف  ءَ را پاکستان ءِ سروکی ءَ گوں آئی ءِ ھواریں کار، دوئیں ملک آنی کاروباری براتی آنی گوما گپ ءُ تران ءُ پراہیں بنیات ءَ دو نیمگی کمک ءَ را گیش گیش کنگ ءِ واستہ گپ ءُ تران ءِ بابت ءَ ھم سرپد کت۔