سری لنکا، انڈونیشیا، ملائیشیا ءُ تھائی لینڈ ءَ سیلاب ءِ سبب ءَ جانی ءُ مال ءِ تاوان ءِ سر ءَ اسپیکر راجی اسمبلی ءَ دلپدردی درشان

اسلام آباد۔4دسمبر  (اے پی پی): راجی اسمبلی ءِ اسپیکر سردار ایاز صادق ءَ سری لنکا، انڈونیشیا، ملائیشیا ءُ تھائی لینڈ ءَ سیلاب ءِ سبب ءَ جانی ءُ مال ءِ تاوان ءِ سر ءَ دلپدرد ءُ رنج ءُ گم ءِ درشانی کتگ۔ پنچ شمبے ءِ روچ ءَ وتی کلوہ ءِ تہ ءَ آئی ءَ سیلاب ءِ آماچیں ھاندان، ملک آنی پارلیمنٹ، الس ءُ حکومت آنی گوما دلپدردی، ھمدردی ءُ یکوئی ءِ درشانی کتگ۔ آئی ءَ سیلاب ءِ آماچیں ملک آنی بحالی ءُ کمک ءِ واستہ جھان ءِ کمک ءِ ضلورت ءِ سر ءَ زور پر دات ءُ گوشت کہ میاں اوستمانی براتی سیلاب ءِ آماچیں ملک آنی ریلیف ءُ بحالی ءِ واستہ اولویت ءِ بنیاد ءَ گامگیج چست بہ کنت۔ قدرتی آفت موسمیاتی بدلی ءِ مظہر انت۔ موسمیاتی بدلی ءِ اثرات ءَ گوں گر ءُ چیل بوھگ ءِ ھاتر ءَ جھان ءِ تک ءَ یکجائی حکمت عملی ءِ زورگ المی اِنت۔ پاکستان وت ھم موسمی بدلی ءَ چہ آماچیں ملکانی تہ ءَ ھوار اِنت۔ اسپیکر راجی اسمبلی ءَ سیلاب ءِ آماچیں مردم آنی زوتیں وھد ءَ بحالی ءِ واستہ یکجائی کوشست آنی ضلورت ءِ سر ءَ زور پر دات۔