نائب مزن وزیر ءُ دری کارانی وزیر اسحاق ڈار ءَ کرغزستان ءِ دری کارانی وزیر ءَ گوں گند ءُ نند کتگ، باز نیمگی فورم آنی تہ ءَ کمک ءَ را گیش کنگ ءِ سر ءَ تپاک

اسلام آباد۔3دسمبر  (اے پی پی): نائب مزن وزیر ءُ درئی کارانی وزیر اسحاق ڈار ءَ کرغزستان ءِ درئی کارانی وزیر زینبک کلولباؤ ءَ گوں گند ءُ نند کتگ ءُ باز نیمگی فورم آنی تہ ءَ کمک ءَ را گیش کنگ ءِ سر ءَ تپاک کتگ۔ چار شمبے ءِ روچ ءَ درئی کارانی کارگس ءِ نیمگ ءَ جاڑی بوتگیں بیان ءِ رد ءَ دوئیں ملک آنی نیمگ ءَ دو نیمگی سیادی آنی سرجمیں پڑ آنی تہ ءَ سرجمیں رنگ ءَ چار ءُ تپاسی کنگ بوتگ ءُ تجارت، توانائی، دمگی سیادی، وانگ ءُ زانگ ءُ مردم آنی نیام ءَ رابطہ آنی دیمروئی ءِ سر ءَ زور پر دیگ بوتگ۔ دوئیں نیمگ ءَ گوستگیں دمگی ءُ میاں اوستمانی جاور ھال آنی سر ءَ ھیال ءُ لیکہ ءِ درشان کنگ ءُ وت مہ وتی سیت ءِ جیڈھ آنی سر ءَ شور ءُ سلاھ ءِ برجاہ دارگ ءِ سر ءَ ھم تپاک کنگ بوتگ۔ دوئیں ملک آں پاکستان ءُ کرغزستان ءِ نیام ءَ دو نیمگی کمک ءَ را گیش مھکم کنگ ءُ یکجائی دلچسپی ءِ توامیں شوبگ آنی تہ ءَ را گیش کنگ ءِ واستہ وتی جزم ءِ یک رندے پدر کت۔