کرغزستان ءِ صدر صادر ژپاروف دو روچی تر ءُ تاب ءِ واستہ اسلام آباد ءَ سر بوتگ، صدر ءُ مزن وزیر ءَ نور خان ایربس ءِ سوار ءَ آئی ءَ را گہتری ءَ گوں وش آتک

اسلام آباد۔3دسمبر  (اے پی پی):کرغزستان ءِ صدر صادر ژپاروف دو روچی تر ءُ تاب ءِ واستہ اسلام آباد ءَ سر بوتگ، صدر آصف علی زرداری ءُ مزن وزیر شہباز شریف ءَ نور خان ایربس ءِ سرا آئی ءَ را گہتری ءَ گوں وش آتک کتگ، کرغزستان ءِ صدر ءِ وش آتک کنگ ءِ واستہ وفاقی کابینہ ءِ باسک ءُ مزنیں کارندہ ھم ساڑی بوتگ انت۔ وھدے کہ کرغزستان ءِ صدر چہ ترا ءَ دراتک گڈا صدر آصف علی زرداری ءَ آئی ءَ را وتی لاپ ءَ زرت وھدے کہ مزن وزیر محمد شہباز شریف ءَ ھم گوں جوش ءُ جزبگ ءَ آئی ءِ دست ءِ سرا دست جت۔ روایتی پوشاک ءِ پوشاک ءَ پوشیں زھگاں کرغزستان ءِ صدر صادر جاپاروف ءِ سر ءَ پُل ءِ بارش کتگ۔ کرغزستان ءِ صدر ءَ اے موہ ءَ صدر ءُ مزن وزیر ءِ گوما وشیں گپ ءُ تران کت۔ دوئیں ملک آنی بیرک ءِ دست ءَ زھگاں مزنیں مہمان آناں وش آتک کت۔ کرغزستان ءِ صدر ءِ اسلام آباد ءَ سر بوھگ ءِ وھد ءَ آئی ءَ را 21 ٹوپ جتگ ءُ  سلامی ھم دیگ بوتگ۔ صدر صادر ژپاروف  وتی تر ءُ تاب ءِ وھد ءَ مزن وزیر محمد شہباز شریف ءُ صدر آصف علی زرداری ءَ گوں گند ءُ نند کنت ۔ آ مزن وزیر شہباز شریف ءِ دعوت ءِ سرا پاکستان ءِ دو روچی تر ءُ تاب ءَ انت۔ وتی تر ءُ تاب ءِ ساھت ءَ کرغزستان ءِ صدر اسلام آباد انٹرنیشنل بزنس فورم ءَ ھم گشتانک دنت۔ کرغزستان ءِ صدر ءِ ھمراھی ءَ اتکگیں ڈل ءَ سرکاری مزنیں کارندہ ءُ کاروباری مردم ھم ھوار اَنت۔