چیف آف آرمی سٹاف فیلڈ مارشل سید عاصم منیر  ءَ گوں کمانڈر رائل سعودی لینڈ فورسزلیفٹیننٹ جنرل فہد بن سعود الجوھانی   ءِ  گند ءُ نند

راولپنڈی۔3دسمبر  (اے پی پی): آرمی اسٹاف ءِ سروک فیلڈ مارشل سید  عاصم منیر ءَ پاکستان ءُ سعودی عرب ءِ نیام ءَ مھکمیں دفاعی کمک ءِ سر ءَ دل یکیمی ءِ درشانی کتگ ءُ تربیت، صلاحیت سازی ءُ انٹیلی جنس شیئرنگ ءِ تہ ءَ برجاھیں کمک ءِ ضلورت ءِ سر ءَ زور پر داتگ۔ چار شمبے ءِ روچ ءَ انٹر سروسز پبلک ریلیشنز ءِ نیمگ ءَ چہ جاڑی بوتگیں بیان ءِ رد ءَ آرمی   سروک چیف آف آرمی سٹاف فیلڈ مارشل سید عاصم منیر  ءَ گوں کمانڈر رائل سعودی لینڈ فورسزلیفٹیننٹ جنرل فہد بن سعود الجوھانی  ءِ  گوں گند ءُ نند کتگ۔ گند ءُ نند ءِ ساھت ءَ وت مہ وتی دلچسپی ءِ جیڈھ، دمگی ایمنی ءُ دو نیمگی دفاعی کمک ءَ را گیش مھکم کنگ ءِ موہ آنی سر ءَ ھیال ریچی کنگ بیت۔ دوئیں نیمگ ءَ پاکستان ءُ سعودی عرب ءِ سلاہ بندیں اُرد ءِ نیام ءَ دیریں ءُ براتی سیادی ءَ را گیش مھکم کنگ ءِ واستہ وتی جزم ءِ پدا پدر کت۔ فیلڈ مارشل ءَ دوئیں ملک آنی نیام ءَ مھکمیں دفاعی کمک ءِ سر ءَ دل یکیمی ءِ درشان کت ءُ تربیت، صلاحیت سازی ءُ انٹیلی جنس ءِ بھر ءُ بانگ ءِ تہ ءَ برجاھیں کمک ءِ ضلورت ءِ سر ءَ زور پر دات۔ کمانڈر رائل سعودی لینڈ فورسز ءَ پاک فوج ءِ دوستی کمک ءَ را ساڑات ءُ خطہ ءَ امن ءُ ایمنی ءِ واستہ پاکستان ءِ جوانیں کرد ءَ را ساڑات۔ اتکگیں مہمان ءَ را گارڈ آف آنر پیش کنگ بوت۔