اپوزیشن اتحاد ءَ یک رندے پدا راستی ءِ سرا رد ءُ بند داتگ ءُ پش کال کتگ،  ھپتمی این ایف سی ایوارڈ ءَ پد صوبہ آنی بھر ءَ مزنیں کساسے ءَ گیشی بوتگ،  خیبر پختونخوا ءِ یکجا بوتگیں ضلع آنی مالی ضلورت آناں بنجاہ پیلو کنگ ءَ اِنت،  طلال چوہدری

اسلام آباد۔3دسمبر  (اے پی پی): تہی کارانی وزیر مملکت طلال چوہدری ءَ گشتگ کہ مرچی اپوزیشن اتحاد ءَ یک رندے پدا راستی ءِ سرا رد ءُ بند داتگ ءُ پش کال کتگ۔ ہفتمی این ایف سی ایوارڈ ءَ پد صوبہ آنی بہر ءَ مزنیں کساسے ءَ گیشی بوتگ ءُ وفاقی آمدنی ءِ تہ ءَ صوبہ آنی بہر ھر وھد ءِ تہ ءَ گیش اِنت۔ فیڈریشن خیبر پختونخوا ءِ یکجا بوتگیں ضلع آنی مالی لوٹ آناں پیلو کنگ ءَ اِنت، طلال چوہدری ءَ اپوزیشن ءَ را گشتگ کہ آ آئی ءَ را بہ گش اَنت کہ خیبر پختونخوا ءِ سرکار ءَ تاں روچ ء مرچی اودا ہچ وڑیں دیمروئی کار نہ کتگ۔ چار شمبے ءِ روچ ءَ اپوزیشن اتحاد ءِ پریس کانفرنس ءِ سر ءَ رد عمل پیش کنان ءَ وزیر مملکت طلال چوہدری ءَ گوشت کہ فاٹا ءِ یکجا کنگ ءَ پد وفاقی حکومت ءَ چہ صوبگ ءَ را ھاسیں گرانٹ، دیمروئی منصوبگ ءُ سیکورٹی ھرچ ءُ درچ ءِ واستہ باقاعدگی ءَ فنڈز ءِ ریلیز کنگ بوتگ۔ این ایف سی شیئرڈ ءِ سرا بے بنیں الزام جنگ ءِ بدل ءَ شما راج ءَ بہ گش اِت کہ خیبر پختونخوا سرکار ءَ وت وتی دیمروئی بجٹ ءِ مزنیں بہرے کارمرز نہ کتگ۔ آئی ءَ گوشت کہ اپوزیشن خیبر پختونخوا حکومت وتی مالیاتی انتظامی ءَ را گہتر کنگ ءِ بدل ءَ زمہ واری ءَ را مرکز ءَ شینگ ءِ رپک ءَ زیرگ ءَ انت۔ وفاقی حکومت ءَ صوبہ ءِ تہا امن ءُ ایمنی ءِ گہتری ءِ ھاتر ءَ مزنیں مالی ءُ انتظامی کمک داتگ کہ ایشی ءَ چہ کاروباری کاروائی ءُ چاگردی استحکام ءِ تہا مزنیں گہتری اتکگ۔ طلال چوہدری ءَ گوشت کہ وفاقی حکومت راجی یکوئی ءِ لوٹ آنی رد ءَ ھر صوبگ ءِ ھک آنی رکھگ ءَ انت، وت مہ وتی ءِ واستہ دروگیں کانود آنی سلسلہ بند کنگ بہ بیت، المی انت کہ الس ءَ را راستی آنی بابت ءَ سرپد کنگ بہ بیت تانکہ اپوزیشن ءِ نیمگ ءَ جوڑ بوتگیں ردیں لیکہ آناں دور کنگ بہ بیت۔ آئی ءَ گوشت کہ پیسریگیں اسپیکر اسد قصرہ ءِ نیمگ ءَ چہ نا اُمیت بوھگ یک غیر ذمہ داریں رویہ یے، پی ٹی آئی ءِ حکومت مئے دوستیں ملک آناں ناراض کنت، سرمایہ کار آناں یک گرانیں جاور ھال ءِ تہ ءَ کش ایت، وھدیکہ استیں حکومت ءِ اقتصادی ءُ سفارتی پالیشی آناں سرجمیں روچ ءَ ستا کنگ بوھگ ءَ اِنت، ریکارڈ ءِ سرا کار کنگ ءَ انت ءُ مزنیں تک ءِ تجارتی ءُ اقتصادی ڈل پاکستان ءِ تر ءُ تاب ءَ برجاہ انت۔ طلال چوہدری ءَ گوشت کہ جتا جتائیں شوبگ آنی تہ ءَ شریکداری ءِ نوکیں دروازگ پچ بوھگ ءَ انت، مرچی خطہ ءِ تہ ءَ پاکستان ءِ یک جوانیں ءُ باوقاریں اکس ءِ سہرا بوتگ۔ آئی ءَ گوشت کہ آئی ءِ دور ءَ پی ٹی آئی ءَ بیپار ءِ نام ءَ مراعات داتگ، راجی اقتصادی مفاد آنی ھساب ءَ ذاتی مفاد آناں دیم ءَ برتگ، درملکی سرمایہ کار آنی اعتماد ءَ را تاوان داتگ۔ اے مردم نہ سوداگری ءَ سرپد اَنت ءُ نہ کہ معیشت ءِ پوتاری ءَ سرپد اَنت کہ ایشی ءَ چہ ملک ءَ معاشی تاوان رستگ۔ طلال چوہدری ءَ گوشت کہ استیں حکومت عملی گامگیج آنی وسیلگ ءَ ملکی معیشت ءَ را برجم کنگ ءَ انت۔ فیڈریشن خیبر پختونخوا ءَ دیمروئی، سرمایہ کاری ءُ روزگار ءِ واستہ وتی سرجمیں کرد ءَ پیلو کنگ ءَ انت ءُ آیوکیں وھد ءَ راجی دیمروئی ءِ ھمک پڑ ءَ صوبگ آنی گوما کمک ءَ برجاہ دار ایت۔