بلوچستان ءِ سر وزیر سرفراز بگٹی ءِ سروکی ءَ برجم داشتگیں ہارڈن دی سٹیٹ کمیٹی  ءِ دیوان ءِ بست ءُ بند

کوئٹہ۔ 03 دسمبر (اے پی پی): بلوچستان ءِ سر وزیر سرفراز بگٹی ءِ سروکی ءَ صوبائی ہارڈن دی اسٹیٹک کمیٹی ءِ ھاسیں دیوان برجم دارگ بوت کہ ایشی ءِ تہ ءَ صوبگ ءِ سرجمیں امن ءُ ایمنی ءِ جاور ھال، راجی ءُ صوبائی ایکشن کمیٹی آنی چیر دستی ءَ ایر کنگ بوتگیں ٹارگٹ آنی سر ءَ عمل کنگ ءُ جاری گامگیج آنی سر ءَ چار ءُ تپاسی کنگ بیت۔ گند ءُ نند ءَ چیف سیکرٹری بلوچستان شکلار قادر خان ، ایڈیشنل چیف سیکرٹری ہوم حمزہ شفقت ءُ کانود نافذ کنوکیں ادارگانی مزن مزنیں کارندہ آں شریک بوتگ ۔ ایڈیشنل چیف سیکرٹری ہوم ءَ دیوان ءَ را بریفنگ دات کہ فتنہ الهندستان ءُ فتنہ الخریج ءِ حلاف ءَ ہمگرنچ ءُ جوانیں آپریشن برجاہ انت۔ کچچ ضلع ءَ تاں انوگ ءَ 200 ءَ چہ گیش آپریشن کنگ بوتگ وھدے کہ صوبہ ءِ دگہ ضلع آنی تہ ءَ ھم مزنیں آپریشن کنگ بوتگ۔ بریفنگ ءِ تہ ءَ گیش ھال دیگ بوتگ کہ بلوچستان ءِ رودراتکی دمگ آنی تہ ءَ 100 ناشرکار بے اثر کنگ بوتگ اَنت وھدیکہ سرجمیں صوبگ ءَ 3561ناجائزیں پٹرول پمپ بند کنگ بوتگ اَنت۔ گمرک ءِ کارندہاں گوستگیں سئے ماہ ءِ تہا 2575 آپریشن کتگ ءُ 416 غیر گمرک رجسٹرڈ گاڑی ضبط کتگ۔ دیوان ءَ مدرسہ ءِ رجسٹریشن ءِ دیمروئی ءُ ریگولیشنز ءِ جنگ ءِ بابت ءَ ھم سرپد کنگ بوت۔ بنجاھی وزیر سرفراز بگٹی ءَ سیادی داروکیں ادارگ آنی کارکردگی ءِ سر ءَ دل یکیمی ءِ درشانی کت ءُ گوشت کہ صوبگ امن ءِ برجائی، مجرمانہ عناصر ءِ ھلاسی ءُ اسمگلنگ ءِ ھلاسی ءِ واستہ کار کنگ ءَ انت۔ جاری گامگیج ستا کرز انت۔ آئی ءَ ہدایت کت کہ کارروائی گیش جوانیں ءُ کارآمد کنگ بہ بنت تانکہ الس ءَ را سرجمیں رنگ ءَ ایمنی ءِ احساس رسیت۔ بنجاھی وزیر ءَ ھاسیں لوٹ کت کہ راجی ءُ صوبائی ایکشن پلان آنی شق آنی سر ءَ سرجمیں سنگینی ءُ محنت ءِ گوما عمل کنگ بیت۔ صوبہ ءِ تہا جرم، بے قانونی ءُ ناشرکاری ءِ ھلاپ ءَ صفر رواداری ءِ پالیسی ءِ سرا سک باز عمل کنگ بیت ءُ بے قانونی عناصر ءِ ھلاپ ءَ بے فرقیں کارروائی برجاہ بیت۔ دیوان ءَ توامیں ادارگ آناں ھم ھدایت کنگ بوت کہ آ کمک ءُ سرجمیں ھمگرنچی ءَ گوں کار ءَ را برجاہ بہ دار اَنت۔