پی آئی اے ءِ نجکاری ءِ تہ ءَ شفافیت ءُ میرٹ اولی ترجی اَنت، بولی ءِ عمل سرجمیں ملک ءَ ٹی وی ءِ سر ءَ براہ راست شنگ کنگ بیت، مزن وزیر محمد شہباز شریف ءِ گپ ءُ تران گوں درستیں بولی دیوکاں، تاجر ءُ پی آئی اے ءِ نجکاری ءَ بھر زوروکیں کمپنیانی نمائندگاں آنی گوما تران

اسلام آباد۔3دسمبر  (اے پی پی): مزن وزیر محمد شہباز شریف ءَ گوشت کہ پاکستان انٹرنیشنل ایئر لائنز ءِ نجکاری ءِ تہ ءَ شفافیت ءُ میرٹ اولی ترجی انت، نجکاری ءِ واستہ بولی ءِ عمل سرجمیں ملک ءَ ٹی وی ءِ سر ءَ براہ راست شنگ کنگ بیت۔ آئی ءَ اے ھیالانی درشانی پی آئی اے ءِ نجکاری ءَ بھر زوروکیں کمپنی آنی سرجمیں بولی ءِ سرا سوداگر، کاروباری مردم ءُ نمائندگ آنی گوما گپ ءُ تران کنان ءَ کت، آھاں چار شمبے ءِ روچ ءَ مزن وزیر گس ءَ آئی ءَ گوں گند ءُ نند کت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ گوشت کہ پی آئی اے ءِ گار بوتگیں امیج ءَ را بحال کنگ ءُ راجی ایئر لائن ءَ را نوکیں لوٹ آنی گوما ھمگرنچ کنگ ءِ واستہ نجکاری ءِ عمل برجاہ اِنت۔ آئی ءَ اے اُمیت ءِ درشانی کت کہ ان شا اللہ پی آئی اے زوت یک رندے پدا وتی روایت ءِ سر ءَ زندگ بیت ”گریٹ پلمبنگ ٹو فلائی وِد“۔ آئی ءَ گوشت کہ پی آئی اے ءِ نجکاری ءِ عمل ءَ شفافیت ءُ مارکیٹنگ ایبلٹی پیداک کنگ بوھگ ءَ اِنت، ءُ بولی ءِ عمل سرجمیں ملک ءَ راجی ٹی وی ءِ سر ءَ براہ راست شنگ کنگ بیت۔ مزن وزیر ءَ گوشت کہ پی آئی اے ءِ روچ ءِ بالی گراب آنی بحالی ءَ چہ درملک ءَ نندوکیں پاکستانی آناں آسراتی رس ایت۔ آئی ءَ گوشت کہ پاکستان ءِ سیل ءُ سواد ءِ شوبگ ءِ دیمروئی ءِ واستہ راجی بالی گراب ءَ را نوکیں لوٹ آنی گوما ھمگرنچ کنگ ھم سک باز المی اِنت۔ مزن وزیر ءَ امیت سہرا کت کہ بولی ءِ پد ءَ ھرکس اے ھاسیں ذمہ واری ءَ وتی دست ءَ زوریت آ وتی سرجمیں توان ءَ را راجی ایئر لائن ءِ امیج ءِ بحالی ءُ ایشی ءِ دیمروئی ءِ سر ءَ دلگوش کنت۔ مزن وزیر ءَ گوشت کہ پی آئی اے ءِ بولی 23دسمبر 2025 ءَ بیت، ایشی ءَ را توامیں میڈیا ءِ سر ءَ براہ راست شنگ کنگ بیت۔ گند ءُ نند ءَ نائب مزن وزیر ءُ درئی کارانی وزیر محمد اسحاق ڈارسمیت وفاقی وزراء احد خان چیمہ، محمد اورنگزیب، عطاء اللہ تارڑ، اعظم نذیر تارڑ، سردار اویس خان لغاری، وزیر مملکت بلال اظہر کیانی، مشیر وزیر اعظم محمد علی، معاون خصوصی ہارون اختر    ءُ سیادی داروکیں کارندہ آں بھر زوری کت۔ گند ءُ نند ءَ  پی آئی  اے  ءِپرائیویٹائزیشن ءِ واستہ بڈنگ ءَ بھر زوری  کنوکیں توامیں بڈرز  آں بھر زوری کت۔  بھر زوروک ءُ حکومت ءِ نیمگ ءَ چہ پی آئی اے ءِ پرائیویٹائزیشن  ءِ   کار ءَ کزبی  کار  آنی تہ ءَ ساپ ءُ سلہ ئی  ءِ  کار رپک آناں ساڑات۔