ملکی صنعتی پیداوار ءَ را جوانیں رنگ ءَ آسراتی دیگ ءِ واستہ راجی ٹیرف پالیشی ءِ سر ءَ عمل درآمد کنگ بوتگ مزن وزیر شہباز شریف ءَ جائزہ ءِ دیوان ءَ گوں تران

اسلام آباد۔3دسمبر  (اے پی پی): مزن وزیر محمد شہباز شریف ءَ بنجاھی پیداوار ءِ ھرچ ءُ درچ ءَ را کم کنگ ءِ واستہ جوانیں گامگیج چست کنگ ءِ ضلورت ءِ سر ءَ زور پر دات ءُ گوشت کہ حکومت ءِ نیمگ ءَ منظور بوتگیں راجی ٹیرف پالیسی یک انقلابی گامگیج اِنت۔ آئی ءَ اے ھیالانی درشانی چار شمبے ءِ روچ ءَ تجارتی شوبگ ءَ کسٹم ڈیوٹی ءُ ایندگر اصلاحات ءِ ھوالگ ءَ وتی چیئرمین شپ ءَ جوڑ بوتگیں ذیلی ورکنگ گروپ ءِ سفارش آنی سر ءَ چار ءُ تپاسی دیوان ءَ گوں تران کنان ءَ کت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ گوشت کہ ملکی صنعتی پیداوار ءُ تجارت ءِ تہ ءَ گیشی ءِ واستہ شعبہ ءِ ھوالگ ءَ سوج ءُ جیڈھ ناگزیر اَنت۔ آئی ءَ گوشت کہ دہائیاں چہ ایکسپورٹ ڈویلپمنٹ فنڈ ءَ را اقتصادی ءُ صنعتی پیداوار ءِ گنجائش آناں گیش کنگ ءِ واستہ پٹ ءُ پول ءُ تربیت ءِ سر ءَ کارمرد کنگ نہ بوتگ، ملکی برآمدات ءُ درآمدات ءِ شوبگ ءَ ماہرین آنی نیمگ ءَ چہ سفارشات ءُ اصلاحات ءِ تجویز راستی ءِ اعداد و شمار ءِ رد ءَ بہ بنت۔ آئی ءَ گوشت کہ دمگی صنعت ءُ تجارت ءُ دمگی آبادی ءِ واستہ صنعتی چیز آنی پیداواری ھرچ ءُ درچ ءَ را کم کنگ ءِ واستہ جوانیں گامگیج چست کنگ حکومت ءِ اولی ترجی آنی تہ ءَ ھوار اِنت۔ حکومت ءِ نیمگ ءَ منظور بوتگیں راجی ٹیرف پالیشی یک انقلابی گامگیج اِنت کہ ملک ءِ صنعتی پیداوار ءَ را گیش کنت ءُ کاروبار ءَ را بنجاہی ءُ جھان ءِ مارکیٹ آنی تہ ءَ مقابلہ ءِ لائک جوڑ کنت۔ مزن وزیر ءَ ہدایت کت کہ ایندگہ ملک آنی گوما دو نیمگی ءُ ٹرانزٹ تجارتی مصنوعات ءِ سیم سر ءَ کسٹم ڈیوٹی ءِ گرگ ءِ سر ءَ نزیکی ءَ گوں چار ءُ بچار کنگ بہ بیت۔ مزن وزیر ءَ را ورکنگ گل ءِ بریفنگ ءِ تہ ءَ گوشت بوت کہ برآمدات ءِ بنیات ءَ برجمیں اقتصادی دیمروئی ملک ءَ سرمایہ کاری ءُ پیداواری ءِ تہ ءَ گیشی، حکومتی رکھینگ ءُ بنیاتی ڈھانچگ ءِ گہتری ءِ گوما ایوک ءَ ممکن بوت کنت۔ محمد علی طبا ءُ ایندگر آں ملک ءِ نمائندہ کاروباری مردم آناں جوڑ بوتگیں ذیلی ورکنگ گروپ ءِ نیمگ ءَ مزن وزیر ءَ را کسٹم ءُ ٹیکس جم کنگ ءِ ھوالگ ءَ جیڈھ آنی بابت ءَ سرپد کت ءُ وتی سفارشات پیش کت۔ مزن وزیر ءَ اے سفارشات ءَ را وش اتک کت ءُ سیادی داروکیں وزارت ءُ ادارگ آناں ملک ءِ صنعتی پیداوار ءَ را گیش کنگ ءُ کاروباری مردم ءُ سرمایہ کار آناں ھمک رنگ ءِ آسراتی پجاری کنگ ءِ ھاترا ھاسیں ہدایت دات۔ مزن وزیر ءَ گوشت کہ گوستگیں راجی ٹیرف پالیشی ءَ ملک ءِ صنعتی پیداوار ءَ را جوانیں رنگ ءَ آسراتی دیگ ءِ ھاترا عمل درآمد کنگ بوتگ تانکہ برآمد ءُ درآمد ملک ءِ سرجمیں اقتصادی دیمروئی ءِ گوما ھمگرنچ بہ بنت۔ گند ءُ نند ءَ وفاقی وزیر برائے خزانہ محمد اورنگزیب، وفاقی وزیر برائے اھوالکاری ءُ شنگ کاری   عطاء اللہ تارڑ ، وفاقی وزیر برائے موسمیاتی تبدیلی ڈاکٹر مصدق ملک، وفاقی وزیر  برائے پاور  سردار اویس احمد لغاری، وفاقی وزیر  برائے اکنامک افئیرز ڈویژن احد خان چیمہ،و فاقی وزیر  برائے پٹرولیم علی پرویز ملک، وزیر مملکت خزانہ اظہر بلال کیانی، مزن وزیر ءِ ھاسیں کمکار   ہارون اختر،  نیشنل کوآرڈینیٹر  ایس آئی ایف سی ، ملک ءِ صنعتی ءُ کاروباری ادارہانی نمائندگ ءُ دگہ سیادی داروکیں سرکاری کارندہ۔