پاکستان ءَ ارزانیں قابل تجدید توانائی ءِ نیمگ ءَ دلگوش داتگ ، ھاسیں رنگ ءَ شمسی توان ، ملک ءَ روف ٹاپ سولر انقلابی رفتار ءَ دیمروئی کنگ ءَ اِنت ، سینیٹر شیری رحمان

اسلام آباد۔3دسمبر  (اے پی پی): پاکستان پیپلز پارٹی ءِ نائب صدر ءُ موسمیاتی بدلی ءُ چاگردی ہم آہنگی ءِ بابت ءَ سینیٹ ءِ قائمہ کمیٹی ءِ سینیٹر شیری رحمان ءَ گشتگ کہ پاکستان ءَ ارزانیں قابل تجدید توانائی ھاسیں رنگ ءَ شمسی توان ءِ نیمگ ءَ دلگوش داتگ ءُ ملک ءَ روف ٹاپ سولر انقلابی رفتار ءَ دیمروئی کنگ ءَ انت۔ مارا پہ جوڑیشت ءَ نوکیں ءُ نوکیں راہ ءُ درے شوھازگی اِنت۔ آئی ءَ اے ھیالانی درشانی چار شمبے ءِ روچ ءَ پائیداری سروک دیوان ءُ ایوارڈ ءِ مراگش ءَ گوں تران کنان ءَ کت۔ آئی ءَ گوشت کہ پاکستان پائیداری سروک دیوان ءِ مستریں دلگوش پائیدار جوڑیشت ءِ سر ءَ بہ بیت۔ پاکستان ءَ گرین بلڈنگ کوڈ است انت بلے ایشی ءِ سرا عمل کنگ سک کم انت۔ کلائمیٹ رسک انڈیکس 2022 ءِ رد ءَ پاکستان دگنیا ءِ تہ ءَ چاگردی اثرات ءِ دیم ءَ گیشتر زیان مندیں ملک اِنت۔ شہری کنگ ءَ شہری منصوبہ بندی ءُ آیوکیں وھد ءِ جوڑیشت ءِ تہ ءَ یک بنیاتی جز ءِ رنگ ءَ چارگ بہ بیت۔ سیمنٹ ءِ صنعت ملک ءِ 49 درصد ھرچ ءُ درچ ءِ سرا انت۔ زمهوار. شیری رحمان ءَ گوشت کہ جوڑیشت ءِ رھبند آناں پائیداری ءِ راہ ءَ آرگ المی اِنت، بلڈنگ کوڈ آنی تہ ءَ سرکلر ماڈل ءُ دوبر کارمردی ءِ رھبند آناں ھوار کنگ المی اِنت، حکومت ءَ را انفراسٹرکچر ءِ مھکمی ءَ را دل یکیمی کنگ لوٹ ایت تانکہ مردم ایمن ءُ پائیداریں زند گوازینگ ءَ بہ کن اَنت۔ آئی ءَ گوشت کہ پاکستان ءَ شہری کنگ ءِ تہ ءَ ترندی ءَ گوں دیمروئی کنوکیں رجحان اِنت، مئے کرّا شہری ءَ پیسر ءِ دمگ اَنت کہ اودا مزنیں دمگ نوں شہر آنی رنگ ءَ زورگ ءَ اَنت، اے آبادی آناں ردی ءِ جوانیں رنگ ءَ رد کنگ ءِ ضلورت اِنت، پاکستان ءِ 88درسد دمگ نیم شہری رنگ ءِ تہ ءَ اِنت، پاکستان ایشیا ءَ چہ روایتی ماڈل ءَ را زورگ ءَ ترندیں شہری جوڑیشت ءِ ملک آنی تہ ءَ ھوار اِنت۔ دوبارہ استعمال قابل وسائل ءِ بنیاد ءَ۔ سینیٹر شیری رحمان ءَ گوشت کہ ردی ءِ کمی، سامان آنی جوانیں رنگ ءَ کارمرد کنگ ءُ سرکلر اکانومی ءِ نیمگ ءَ روگ ناگزیر اِنت، مئے تعمیراتی سامان گیش پائیدار بہ بنت تانکہ کمیونٹیز جوانیں رنگ ءَ جوڑ کنگ بہ بنت، غیر رسمی تعمیراتی شعبہ ءَ را ھم ھوار کنگ المی اِنت۔ آئی ءَ گوشت کہ پاکستان ءَ ارزانیں قابل تجدید توانائی ھاسیں رنگ ءَ شمسی توان ءِ نیمگ ءَ رھادگ بوتگ ءُ ملک ءَ روف ٹاپ سولر انقلابی رفتار ءَ دیمروئی کنگ ءَ اِنت، ملک ءِ توان ءِ سپلائی نوں ضلورت ءَ چہ گیش بوتگ۔ آئی ءَ گوشت کہ مارا جوڑیشت ءِ واستہ نوکیں ءُ نوکیں گیواری ءِ شوھازگ لوٹ ایت، جوڑیشت ءِ آیوکیں وھد ءِ بنیات ءَ ریجنریٹیو ماڈل ءِ سر ءَ انت کہ ایشی ءِ تہ ءَ دوبر کارمرد کنگ ءِ اصول ھوار انت، دوبر کارمرد ءُ ری سائیکلنگ پاکستان ءَ عملی رنگ ءَ کنگ بیت، بلے سرکاری کساس حیرانی ءِ رنگ ءَ کم انت۔ شیری رحمان ءَ گوشت کہ وھدے کہ جھان ءِ تک ءَ 9درسد پلاسٹک ری سائیکل کنگ بوھگ ءَ انت، پاکستان ءَ ایوک ءَ یک درسد ری سائیکل کنگ بوھگ ءَ انت۔ نوں اے وڑیں راہ ءُ درانی شوہازگ ءُ دراجیں مدت ءِ بنیاد ءَ مزنیں کچے ءَ ایشانی سر ءَ عمل کنگ ءِ ضلورت اِنت۔ مارا اے چارگ لوٹیت کہ پاکستان ءَ چے کارآمد بوت کنت ءُ چے زورگ بہ بیت۔ آئی ءَ گوشت کہ ملک ءِ 30درسد ردی ءِ سیادی گوں جوڑیشت ءُ ھراب کنگ ءِ ردی ءَ انت۔ پاکستانی راج ءَ بچت کنگ ءِ عادت اِنت ءُ ما یک سرجمیں زوالیں معیشت ءِ نہ ایں ۔ ما بازیں ردی یے پیداک کنیں بلے ما ایشی ءَ بازیں حدے ءَ پدا کارمرز کنیں۔ راول ڈیم ءَ ہر روچ 9 ملین گیلن ردی ءِ کشگ بوہگ ءَ انت۔ آئی ءَ گوشت کہ لیمینیٹڈ پروڈکٹس ءُ ایکو برک آناں دیمروئی دیگ المی اِنت تانکہ پائیداریں جوڑیشت ممکن بہ بیت۔ سیمنٹ ءُ اسٹیل ءِ تہ ءَ گیشتریں آلودگی ءِ شعبہ اَنت۔ ہالینڈ ءُ فن لینڈ ءَ اے درگت ءَ سنگینیں گامگیج چست کتگ انت۔ ھما سامان کہ سرجمی ءَ پائیدار اَنت آھاں تعمیر ءِ تہا کارمرز کنگ المی اِنت۔ کراچی ءِ سرکلر پراجیکٹس اے پڑ ءَ مزنیں پیشرفت ءِ مثال اَنت۔ اے درستیں گامگیج شمئے فیڈریشن ءِ نیمگ ءَ چہ وت زورگ بہ بنت، تعمیراتی صنعت ءِ ھاتر ءَ ھاسیں سنگ میل ٹھینگ بہ بنت، ءُ اے درگت ءَ ایس پی ایف ایچ ءِ کرد سک باز المی اِنت۔