معذوراں گیش وت مستر  کنگ ءِ ھاتر ءَ مارا آھانی مالی استحکام ءُ رسائی ءِ بابت ءَ درستیں جیڑہاں گیش ءُ گیوار کنگی اِنت گورنر بلوچستان

کوئٹہ۔ 03 دسمبر (اے پی پی): گورنر بلوچستان جعفر خان مندوخیل ءَ معذور آنی میاں اوستمانی روچ ءِ درگت ءَ وتی کلوہ ءِ تہ ءَ گوشت کہ اے روچ ءِ مول ءُ مراد زندمان ءِ ھمک پڑ آنی تہ ءَ معذور آنی واستہ بھر زوری، رسائی ءُ یک وڑیں موہ آنی ارزشت ءَ را پدر کنگ اِنت۔ اے گپ ءَ گوں دلجمی ءَ گشگ بیت کنت کہ سرکاری نوکریانی تہ ءَ کوٹہ آنی سرجمیں رنگ ءَ عمل کنگ ءُ ایشی ءِ ھلاپ ءَ مئے ھیال آنی تہ ءَ جوانیں بدلی آرگ ءَ چہ معذوریں مردمانی دیم ءَ نیم ءَ چہ گیش جیڈھ گیش ءُ گیوار کنگ بوت کن اَنت۔ ادا ما معذوریں مردم ءُ آہانی ھاندان ءِ دیم ءَ اتکگیں رنج ءُ گماں ہم خراج تحسین پیش کنیں پرچا کہ جسمانی یا ذہنی معذوری ءِ سبب ءَ فرد ءُ آہانی ھاندان ءِ مردمانی سرا ہم مزنیں اثرے کپت کنت ءُ بازیں لوگی ءُ چاگردی چیلنج پیداک کنت۔ اے گپ ءِ سر ءَ فخر ءُ وشّی ءِ گپ اِنت کہ نوکیں سائنس ءُ ٹیکنالوجی ءَ معذوریں مردماں سک باز وت مستر  کتگ ، ایشی ءِ سبب ءَ آ مرچی سرجمیں زند گوازینگ ءِ اہل اَنت ءُ مرچی یک جسمانی معذوریں مردمے ہم لاکھوں مردمانی کمک ءُ رہشونی کت کنت۔ اسٹیفن ہاکنگ ءِ غیر معمولی کسہ کہ آئی ءَ وتی جسمانی معذوری ءِ سرا غلبہ کتگ ءُ دنیا ءِ نامداریں سائنسدان ءُ فلسفی یے جوڑ بوتگ، اے جزم ءُ ہمت ءِ طاقت ءِ گواہی انت۔ اے المی انت کہ ما معذوریں مردمانی واستہ یک جوانیں ءُ ھواریں چاگردے ءِ دیمروئی ءَ بہ کنیں، وانگ ءُ زانگ، روزگار ءُ چاگردی بھر زوری ءِ تہ ءَ یک وڑیں موہ بہ دئیں۔ معذوریں مردماں گیش وت مستر  کنگ ءِ ھاتر ءَ مارا ایشانی مالی استحکام ءُ رسائی ءِ بابت ءَ درستیں جیڑہاں گیش ءُ گیوار کنگی اِنت۔ اے کار سرکاری ماڑی آنی تہ ءَ آسانی ءَ سر بوھگ ءَ را دل یکیمی کنگ ءَ چہ سرجم کنگ بیت۔ دفاتر کہ معذوریں مردمانی لوٹاں پیلو کن انت آ پہ آسانی ءِ ھاتر ءَ زمینی منزل ءَ شنگ کنگ بہ بنت۔ زانگ بہ بیت کہ من بلوچستان ءِ گورنر ءِ بستار ءَ چہ اولی روچ ءَ گورنر ہاؤس ءِ دروازگ پچ داشتگ انت تانکہ معذوراں ہوار درستیں گریب ءُ تنگدستیں مردمانی جیڑہ ءُ جیڑہانی گیش ءُ گیوار کنگ بہ بیت۔