مزن وزیر ءِ پنت ءُ شون ءِ رد ءَ سری لنکا ءَ طوفان ءِ سبب ءَ سرچ ءُ ریسکیو آپریشن ءِ ھاتر ءَ ھاسیں ٹیم روان دیگ بوتگ

اسلام آباد۔3دسمبر  (اے پی پی): مزن وزیر ءِ پنت ءُ شون ءِ رد ءَ طوفان ءِ سبب ءَ سری لنکا ءِ سیلاب ءَ چہ آماچیں دمگ آنی تہ ءَ سرچ ءُ ریسکیو آپریشن ءِ واستہ ھاسیں ٹیم روان دیگ بوتگ۔ چار شمبے ءِ روچ ءَ این ڈی ایم اے ءِ نیمگ ءَ جاڑی بوتگیں بیان ءِ رد ءَ سری لنکا ءَ طوفان ءِ سبب ءَ سیلاب ءِ تباہی ءُ سری لنکا حکومت ءِ کمک ءِ اپیل ءِ رد ءَ پاکستان ءِ حکومت زیان بوتگیں مردمانی واستہ کمکی گامگیج زورگ ءَ انت۔ مزن وزیر ءِ ھاسیں پنت ءُ شون ءِ رد ءَ چار شمبے ءِ سہب ءَ سری لنکا ءِ آماچیں دمگ آنی تہ ءَ پٹ ءُ پول ءُ ریسکیو آپریشن ءِ واستہ ھاسیں ٹیم روان دیگ بوتگ۔ پاک فضائیہ ءِ سی 130 بالی گراب ءِ سری لنکا سری لنکا ءَ سر بیت ایشی ءِ تہ ءَ 47باسکی ٹیم ایشی ءِ تہ ءَ 6.5 ٹن المی سامان ھوار انت تانکہ کمکی آپریشن آنی تہ ءَ بھر زوری کنگ بہ بیت۔ سامان ءِ رھادگ بوھگ ءِ مراگش ءَ سری لنکا ءِ سفیر وفاقی وزیر طارق فضل چوہدری ءُ این ڈی ایم اے ءِ چیئرمین لیفٹیننٹ جنرل انعم حیدر ملک ءِ ھوار بوتگ ات۔ اے موہ ءِ سر ءَ پارلیمانی امور ءِ وفاقی وزیر ڈاکٹر طارق فضل چوہدری ءَ گوشت کہ این ڈی ایم اے پاکستان ءُ ایندگہ ملک آنی تہ ءَ آفت ءِ سبب ءَ بوتگیں تباہی ءُ منفی آسر آنی گوما گر ءُ چیل بوھگ ءِ کوشست ءَ مدام کنگ ءَ انت۔ مزن وزیر ءَ گوستگیں روچ ءَ سری لنکا ءِ صدر ءَ گوں گپ ءُ تران کتگ ءُ آماچیں ایندگر ملک انڈونیشیا، تھائی لینڈ ءُ ملائیشیا ءَ گوں ھم رابطہ کنگ بوھگ ءَ انت۔ اے موہ ءِ سر ءَ سری لنکا ءِ سفیر فریڈ سینویارتھنے ءَ گوشت کہ ترندیں کمک ءِ پد ءَ پاکستان ءِ الس ءُ حکومت ءِ شگر ءُ منت وار آں ۔ زانگ بہ بیت کہ این ڈی ایم اے کولمبو ءَ چہ لاہور ءَ کار کنوکیں سری لنکا ایئر لائنز ءِ وسیلگ ءَ امدادی سامان ھم روان دنت۔ گوستگیں روچ ءَ مزن وزیر ءِ ھاسیں پنت ءُ شون ءِ رد ءَ این ڈی ایم اے ءَ جہاز ءِ وسیلگ ءَ سری لنکا ءَ 200ٹن امدادی سامان ھم روان داتگ۔ دیم داتگیں سامانانی تہ ءَ خیمہ، کمبل، رجائی، لائف جیکٹ، کشتی، آپ کشگ ءِ پمپ / آپ ءِ کشگ ءِ پمپ، چراگ، چٹائی، مچھر ءِ جال، ھشکیں چُک ءِ شیر، تیاریں ورگ ءُ دوائی ھوار اَنت۔ پاک بحریہ ءِ جہاز ءُ ہیلی کاپٹر پیسر ءَ چہ سری لنکا ءَ کمکی کاراں گوں بندوک انت۔ سری لنکا ءِ صدر ءِ نیمگ ءَ پاکستان ءِ مزن وزیر ءَ را ھاسیں لوٹ ءِ پد ءَ این ڈی ایم اے سری لنکا ءَ پاک آرمی ءِ عارضی پُل ھم روان دیگ ءَ اِنت۔ پاکستان سری لنکا ءِ آماچیں مردمانی کمک ءِ واستہ ہر ممکن کوشست ءَ برجاہ دار ایت۔