صحافی ءِ حقانی رکھینگ ءِ راجی کمیشن جوڑ کنگ بوتگ، صحافی ءِ حقانی رکھینگ ءِ ھاتر ءَ پی آر اے پلیٹ فارم ،  سوج آنی وش آتک کنگ بیت، عطا اللہ تارڑ

اسلام آباد۔3دسمبر  (اے پی پی): وفاقی وزیر ءِ اھوالکاری ءُ شنگکاری عطا اللہ تارڑ ءَ گوشت کہ اھوالکار آنی ھک آنی رکھینگ ءِ راجی کمیشن جوڑ کنگ بوتگ ءُ پی آر اے پلیٹ فارم ءَ چہ اھوالکار آنی ھک آنی رکھینگ ءِ واستہ سوج آناں وش اتک کنگ بیت۔ آئی ءَ اے گپ پارلیمانی رپورٹرز ایسوسی ایشن ءِ نوک گچین بوتگیں اگدہ دار آنی سوگند چستی مراگش ءَ گوں تران کنان ءَ کت۔ نوک گچین بوتگیں عہدہ دار آناں مبارکی دیان ءَ وفاقی وزیر ءِ اھوالکاری ءَ گوشت کہ پی آر اے ءِ گوما مدام نزیکیں سیادی بوتگ ءُ پریس گیلری ایوان ءِ یک جتائیں بھرے زانگ بیت۔ پی آر اے راجی، چاگردی ءُ احوالکاری جیڈھ آنی سر ءَ مدام یک مھکمیں ءُ سرگرمیں توار ءِ رنگ ءَ دیم ءَ اتکگ۔ صحافی واک آؤٹ کنگ ءَ پد آہاں ہما احترام ءُ پروٹوکول رسیت کہ ایوان ءِ باسک ءَ رسیت کہ اے یک انچیں اعزازے ۔ آئی ءَ پی آر اے ءَ را پارلیمانی عمل ءُ پارلیمانی جمہوریت ءِ یک مھکمیں بھرے لیک اِتگ ءُ گوشت کہ آئی ءَ مدام اھوالکار آنی گوما رابطہ برجائی ءِ کوشست کتگ۔ وزیر ءِ اھوالکاری ءَ اھوالکار آنی جیڈھ آنی گیواری ءِ واستہ وتی جزم ءِ پد ءَ گوشت کہ اھوالکار آنی روزگار آنی ایمنی ءَ را دل یکیمی کنگ بیت۔ آئی ءَ گوشت کہ من احوالکاراں وتی حلقہ ءُ آہانی نگہبان لیک آں ۔ آئی ءَ پی آر اے ءِ کرد ءَ را گیش فعال جوڑ کنگ ءُ کار ءِ چاگرد ءَ را گہتر کنگ ءِ واستہ سوج آنی سر ءَ عمل کنگ ءِ دل یکیمی دات۔ پی آر اے اھوالکارانی بے کار کنگ ءِ جیڈھ ءِ سر ءَ یکجائی ایکشن کمیٹی ءَ وتی سوجاں دیم بہ دنت تانکہ جیڈھ آنی یکجائی گیواری ءِ شوھازگ بہ بیت۔ آئی ءَ نوکری ءِ ایمنی ءَ را بنیاتی حق لیک اِتگ ءُ گوشت کہ آ مدام اھوالکار آنی ھمراھی ءَ اوشتات کناں۔ وفاقی وزیر ءَ گوشت کہ اھوالکار آنی رکھینگ ءِ کمیشن جوڑ کنگ بوتگ ایش وش اتک انت۔ کمیشن ءِ تہ ءَ نیشنل پریس کلب، پی آر اے، پی ایف یو جے، خیبر یونین آف جرنلسٹس ءَ ھوار سرجمیں اھوالکار گل آنی نیمگ ءَ چہ نمائندگی ھست ءُ ھمے رنگ ءَ پنجاب، سندھ ءُ بلوچستان ءِ نمائندگ ھم است اَنت۔ آئی ءَ گوشت کہ کمیشن ءِ اولی دیوان بوتگ ءُ نوں پی آر اے کار ءِ چاگرد ءُ ایندگر جیڈھ آنی ھوالگ ءَ وتی سوجاں دنت کہ آ ایشاں وش اتک کن اَنت۔