ایران ۔3دسمبر (اے پی پی): ایران ءِ راجدپتری شہر شیراز ءَ برجم دارگ بوھوکیں 43می فجر فلم فیسٹیول ءَ وفاقی وزیر دود ءُ ربیدگ اورنگزیب خان کھچی ءَ پاکستان ءِ نامداریں فلم ساز آنی گوما پاکستان ءِ نمائندگی کتگ۔ چار شمبے ءِ روچ ءَ اسلام آباد ءَ چہ جاڑی بوتگیں پریس ریلیز ءِ رد ءَ اورنگزیب خان کھیچی ءَ را میلہ ءِ تہ ءَ بھر زوری ءِ واستہ ھاسیں مہمان …
فجر فلم فیسٹیول ءِ تہا پاکستان ءِ بہر زورگ، دود ءُ ربیدگ ءِ وفاقی وزیر اورنگزیب خان کھچی ءَ پاکستان ءِ نمائندگی
ایران ۔3دسمبر (اے پی پی): ایران ءِ راجدپتری شہر شیراز ءَ برجم دارگ بوھوکیں 43می فجر فلم فیسٹیول ءَ وفاقی وزیر دود ءُ ربیدگ اورنگزیب خان کھچی ءَ پاکستان ءِ نامداریں فلم ساز آنی گوما پاکستان ءِ نمائندگی کتگ۔ چار شمبے ءِ روچ ءَ اسلام آباد ءَ چہ جاڑی بوتگیں پریس ریلیز ءِ رد ءَ اورنگزیب خان کھیچی ءَ را میلہ ءِ تہ ءَ بھر زوری ءِ واستہ ھاسیں مہمان ءِ بستار ءَ دعوت دیگ بوتگ۔ وفاقی وزیر ءَ وتی کلوہ ءِ کلوہ ءَ دوئیں ملک آنی نیمگ ءَ یکجائی ءَ فلم جوڑ کنگ ءِ سر ءَ زور پر دات۔ آئی ء گوشت کہ پاکستان ءُ ایران ءِ نزیکیں ھمساھگ اَنت ایشانی تہ ء نزیکیں چاگردی، ربیدگی، مذہبی ءُ برات ءِ سیادی است اَنت۔ سینما یک طاقتوریں وسیلہ یے کہ ہر ملک ءِ دود ءُ ربیدگ ءِ ارزشتاں دیم ءَ برگ ءَ انت۔ آئی ءَ گوشت کہ پاکستانی سینما آنی تہ ءَ ایرانی فلم آنی پیشدارگ ءُ ایرانی سینما آنی تہ ءَ پاکستانی فلم آنی پیشدارگ ءَ چہ مئے اُلس آناں یک ءُ دومی ءِ گوں نزیکی کنگ ءَ کمک رسیت۔ اے اولی رند اِنت کہ اے میلہ ءَ پاکستانی سئے فلم "ایکٹر اِن لاء ” ، "عمرو عیار : نوکیں بندات” ءُ "ٹیکسالی گیٹ” پیش دارگ بوتگ اَنت۔ آئی ءَ میلہ ءِ تر ءُ تاب کتگ ءُ پاکستانی پویلین ءَ ایرانی سینما فاؤنڈیشن ءِ چیئرمین ءَ گوں گند ءُ نند کتگ۔ آئی ءَ آئی ءَ را پاکستان ءَ آیگ ءُ سینما انڈسٹری ءِ اسٹیک ہولڈراں گوں گند ءُ نند کنگ ءِ دعوت دات۔ آئی ءَ پاکستان ءَ سینما انڈسٹری ءِ دیمروئی ءِ واستہ وتی حکومت ءِ جزم ءِ سر ءَ زور پر دات۔
