اسلام آباد۔3دسمبر (اے پی پی): خیبر پختونخوا ءِ گورنر فیصل کریم کندی ءَ ڈیرہ اسماعیل خان ءِ تحصیل پنیالہ ءَ پولیس وین ءِ نزیک ءَ بوتگیں تراک ءَ را سک باز مذمت کتگ ءُ اے تراک ءَ را بزدل ءُ زالمیں کار لیک اتگ۔ چار شمبے ءِ روچ ءَ وتی بیان ءِ تہ ءَ گورنر ءَ تراک ءِ تہ ءَ سئے پولیس کارندہ آنی شھید بیگ ءِ سر ءَ دل …
خیبر پختونخوا ءِ گورنر ءَ ڈیرہ اسماعیل خان ءَ پولیس ءِ وین ءِ نزیک ءَ تراک ءِ مذمت
اسلام آباد۔3دسمبر (اے پی پی): خیبر پختونخوا ءِ گورنر فیصل کریم کندی ءَ ڈیرہ اسماعیل خان ءِ تحصیل پنیالہ ءَ پولیس وین ءِ نزیک ءَ بوتگیں تراک ءَ را سک باز مذمت کتگ ءُ اے تراک ءَ را بزدل ءُ زالمیں کار لیک اتگ۔ چار شمبے ءِ روچ ءَ وتی بیان ءِ تہ ءَ گورنر ءَ تراک ءِ تہ ءَ سئے پولیس کارندہ آنی شھید بیگ ءِ سر ءَ دل ءِ جہلانکی ءَ رنج ءُ گم ءِ درشانی کتگ ءُ شھید آناں راجی بامرد آنی نام داتگ ءُ آوانی قربانی آناں شگر ءُ منت گپتگ۔ خیبر پختونخوا ءِ گورنر ءَ شہیدیں کارندہ آنی پمیشکیں کھول ءِ گوما دلپدردی ءِ درشانی کتگ ءُ گوشت کہ ما شھید آنی کھول ءِ غم ءَ شریک آں، آوانی قربانی دائم ءَ یات کنگ بنت۔ آئی ءَ تراک ءَ چہ ٹپیگیں مردمانی زوت جان سلامتی ءِ نیکیں واھگ ھم درشان کتگ۔ پولیس ءُ سیکورٹی فورسز ءِ قربانی بے سوب نہ بنت ءُ صوبہ ءِ تہا امن ءِ برجائی ءِ جہد ہر قیمت ءَ برجاہ مانیت۔ اے وڑیں بزدلیں اُرش ناشرکاری ءِ ھلاپ ءَ راج ءِ مھکمیں ءُ بے دروریں جزم ءَ نزور کُت نہ کن اَنت۔ ناشرکاری ءِ وبا ءَ را سرجمی ءَ ھلاس کنگ ءِ واستہ خیبر پختونخوا ءِ الس ءُ ادارگ یکجا اَنت۔
