اسلام آباد۔3دسمبر (اے پی پی): طوفان ڈٹو ءِ سبب ءَ بوتگیں تباہی ءَ پد پاک فوج ءِ ایلیٹ سرچ اینڈ ریسکیو ٹیم سری لنکا ءَ کمک ءِ واستہ روان دیگ بوتگ۔ پاک فضائیہ ءِ ھاسیں سی 130 بالی گراب ءَ ٹیم سری لنکا ءَ سر کتگ۔ تفصیلات ءِ رد ءَ پاک بحریہ ءُ ایوی ایشن پیسر ءَ چہ سری لنکا ءَ نگرانی، طبی انخلاء ءُ ریسکیو آپریشن ءَ گوں بندوک …
پاک فوج ءِ ایلیٹ سرچ اینڈ ریسکیو ٹیم سری لنکا ءَ را کمکی کارانی واستہ روان دیگ بوتگ
اسلام آباد۔3دسمبر (اے پی پی): طوفان ڈٹو ءِ سبب ءَ بوتگیں تباہی ءَ پد پاک فوج ءِ ایلیٹ سرچ اینڈ ریسکیو ٹیم سری لنکا ءَ کمک ءِ واستہ روان دیگ بوتگ۔ پاک فضائیہ ءِ ھاسیں سی 130 بالی گراب ءَ ٹیم سری لنکا ءَ سر کتگ۔ تفصیلات ءِ رد ءَ پاک بحریہ ءُ ایوی ایشن پیسر ءَ چہ سری لنکا ءَ نگرانی، طبی انخلاء ءُ ریسکیو آپریشن ءَ گوں بندوک انت۔ این ڈی ایم اے ءَ سری لنکا ءِ الس ءِ کمک ءِ واستہ کنٹینر جہاز ءِ وسیلگ ءَ 200ٹن امدادی سامان سری لنکا ءَ روان داتگ۔ پاکستان ءِ مزن وزیر ءَ گوستگیں روچ ءَ سری لنکا ءِ صدر ءَ گوں ھم گپ ءُ تران کتگ۔ پاکستان ءِ مزن وزیر آماچیں ملک انڈونیشیا، تھائی لینڈ ءُ ملائیشیا ءِ سروکی ءَ گوں ھم رابطہ ءَ انت۔ این ڈی ایم اے کولمبو ءَ چہ لاہور ءَ سری لنکا ایئر لائنز ءِ بالی گراب آنی وسیلگ ءَ گیش امدادی سامان روان دیگ ءِ واستہ تیار اِنت۔ سری لنکا ءِ صدر ءِ لوٹ ءِ رد ءَ این ڈی ایم اے سیلاب ءَ چہ آماچیں مردمانی کمک ءِ واستہ پاک فوج ءِ فولڈنگ برج ءَ ھوار المی سامان ءِ پجارینگ ءَ انت۔ رکاوٹ آنی باوجود پاکستان سری لنکا ءِ سیلاب ءَ چہ آماچیں مردمانی کمک ءِ واستہ کمکی سامان روان دیگ ءَ برجاہ اِنت۔
