وانگ ءُ زانگ، جان سلامتی ءُ روزگار ءِ موہ ءِ برابریں دسترسی ہر معذور ءِ یک بنیاتی ءُ المی حقے، سینیٹر روبینہ خالد ءِ کلوہ

اسلام آباد۔3دسمبر  (اے پی پی): بنجاہی آمدنی ءِ کمک پروگرام ءِ چیئرپرسن سینیٹر روبینہ خالد ءَ معذور آنی میاں اوستمانی روچ ءِ موہ ءَ وتی ھاسیں گشتانک ءِ تہ ءَ گوشت کہ معذور مئے چاگرد ءِ یک شرپدار ءُ سک باز ھاسیں بھر اَنت۔ برابری ءِ رسگ ءِ وانگ ءُ زانگ، جان سلامتی ءُ روزگار ءِ موہ ہر معذور ءِ یک بنیاتی ءُ المی حقے ۔ بی آئی ایس پی معذوریں مردم آنی وشھالی، کمک ءُ معاشی ھوار کنگ ءِ واستہ عملی گامگیج زورگ ءَ اِنت ءُ آھاں اولیت ءِ سر ءَ پروگرام ءِ تہ ءَ ھوار کنگ ءَ اِنت۔ آئی ءَ گوشت کہ معذوریں مردم آناں ھوار کنگ ءَ را گہتر کنگ ءِ واستہ بی آئی ایس پی ءَ پی ایم ٹی اسکور ءِ حد 32 ءَ چہ 37 ءَ سر کتگ تانکہ گیش ءَ چہ گیش مستحقیں مردم اے پروگرام ءَ چہ سیت چست بہ کن اَنت۔ آئی ءَ گوشت کہ اے وھد ءَ بے نظیر  انکم سپورٹ پروگرام ءِ چیر دستی ءَ 108ہزار ءَ چہ گیش معذوریں زالبول آناں مالی کمک رسگ ءَ اِنت کہ آ آزات ءُ معاشی رد ءَ مھکم جوڑ کنگ ءِ ھاترا یک ھاسیں گامگیج اِنت۔ روبینہ خالد ءَ گوشت کہ ما وتی اے جزم ءِ درشان ءَ کن ایں کہ بی آئی ایس پی پاکستان ءِ توامیں معذوریں شہری آنی گہتری، کمک ءُ گہبود ءِ واستہ وتی گامگیج آناں بے درور ءَ برجاہ دار ایت۔