مزن وزیر شہباز شریف ءَ سری لنکا ءَ طوفان ءِ سبب ءَ گران بہائیں جانی بیرانی ءِ سرا غم ءِ درشانی کتگ، سیادی داروکیں ادارگاں سری لنکا ءَ کمکی کارروائی آنی واستہ سرجمیں کمک ءِ پنت ءُ شون کتگ

اسلام آباد۔2دسمبر (اے پی پی): مزن وزیر محمد شہباز شریف ءَ سری لنکا ءَ طوفان ءِ سبب ءَ گران بھائیں جانی بیرانی ءِ سر ءَ دلپدردی ءِ درشانی کتگ ءُ سیادی داروکیں ادارگ آناں پنت ءُ شون کتگ کہ آ سری لنکا ءَ کمکی کار آنی واستہ سرجمیں رنگ ءَ کمک بہ کن اَنت۔ سئے شمبے ءِ روچ ءَ مزن وزیر محمد شہباز شریف ءِ سروکی ءَ سری لنکا ءَ طوفان ”دٹاوا“ ءَ چہ آماچیں دمگ آنی تہ ءَ پاکستان ءِ کمکی کار آنی سر ءَ چار ءُ تپاسی ءِ واستہ دیوان برجم دارگ بوت، ایشی ءِ تہ ءَ مزن وزیر ءَ گوشت کہ ما اے مشکل ءِ ساھت ءَ سری لنکا ءِ حکومت ءُ الس ءِ گوما اوشتاتگیں۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ گوشت کہ سرچ اینڈ ریسکیو ءِ بھر ءَ چہ پد پاکستان آماچیں دمگ آنی بحالی ءُ نوک جوڑیشت ءِ تہ ءَ ھم سرجمیں کرد ءَ پیلو کنت۔ دیوان ءَ سری لنکا ءِ طوفان ءَ چہ آماچیں دمگ آنی تہ ءَ پاکستان ءِ برجاھیں کمکی کار آنی بابت ءَ سرپدی دیگ بوت، ایشی ءِ تہ ءَ ھال دیگ بوت کہ باندا پاکستان ءَ چہ اربن سرچ اینڈ ریسکیو ٹیم سری لنکا ءَ روگ ءَ اِنت، ءُ باندا تجارتی جہاز ءِ وسیلگ ءَ گیش کمکی سامان ھم روان دیگ بیت۔ مزن وزیر ءَ را گوشگ بوت کہ پاک بحریہ ءِ جہاز سیف سری لنکا ءَ تعیناتی ءِ وھد ءَ سیلاب ءِ آماچیں مردم آنی کمک ءِ کار آنی تہ ءَ ھوار اِنت، ءُ پاک بحریہ ءِ جہاز ءِ سر ءَ سواریں ھیلی کاپٹر ءَ پنچ روچ ءَ چہ سری لنکا ءَ اوشتاتگیں ھاندان ءَ را رکینتگ ات۔ بریفنگ ءِ رد ءَ پاکستان سری لنکا ءَ کمک ءُ کمک ءِ کار ءَ برجاہ دار ایت۔ گند ءُ نند ءَ نائب مزن وزیر ءُ درئی کارانی وزیر سینیٹر اسحاق دار، وفاقی وزیر اقتصادی امور احد خان چیما، وفاقی وزیر ءِ اھوالکاری ءُ شنگ کاری عطا اللہ تارڑ، وزیر ءِ مملکت بلال اظہر کیانی، مزن وزیر ءِ مشیر طارق اظہر کیانی، مزن وزیر ءِ مشیر طارق اظہر کیانی، مزن وزیر ءِ مشیر طارق فاطمی، چیئرمین این ڈی ایم اے ، سیادی داروکیں اپسرگ ءُ کارندہ ساڑی اتنت۔