پاکستان اقتصادی بحالی ءِ نیمگ ءَ روگ ءَ اِنت، بیساکھی ءِ دور ھلاس بوتگ، دانیال چوہدری

راولپنڈی۔ 02 دسمبر (اے پی پی): پارلیمانی سیکرٹری برائے اھوالکاری ءُ شنگکاری دانیال چوہدری ءَ گوشت کہ پاکستان کم کم ءَ معاشی مشکل آنی تہ ءَ چہ درکپگ ءَ انت ءُ نوں بیساکی ءِ دور پشت کپتگ۔ راولپنڈی چیمبر آف کامرس اینڈ انڈسٹری ءَ کاروباری برات ءَ گوں تران کنان ءَ آئی ءَ گوشت کہ گوستگیں یک ءُ نیم سال آنی تہ ءَ حکومت ءَ معیشت ءِ برجائی ءِ واستہ مشکل بلے المی پیسلہ کتگ ایشی ءِ جوانیں آسر دیم ءَ آیگ بندات بوتگ اَنت۔ وھدیکہ حکومت ءَ چارج گپت ملک سکیں اقتصادی تکلیف ءِ تہا ات، بلے مزن وزیر شہباز شریف ءِ وژن ءُ مھکمیں ٹیم ءِ برکت ءَ نوں پاکستان اقتصادی برجائی ءِ سفر ءَ انت۔ دانیال چوہدری ءَ ”ٹُٹّوکیں پاد“ ءِ مثال ءَ گوں اقتصادی جاور ھال بیان کنان ءَ گْوشتگ کہ گچ ءُ بیساکی ءَ پد نوں ملک چہ کم کم ءَ رؤگ ءِ پڑ ءَ درکپیت ءُ زوت رھادگ بوھگ ءَ بندات کنت۔ پارلیمانی سیکرٹری ءَ گوشت کہ گوستگیں حکومت ءِ نیمگ ءَ آئی ایم ایف ءَ گوں کتگیں وعدہ آنی سبب ءَ سکیں اقتصادی پالیشی آناں برجاہ دارگ ناگزیر ات، البت استیں حکومت ءَ اے پالیشی آناں جوانیں رنگ ءَ ھمگرنچ کتگ ءُ معیشت ءَ را یک مھکمیں بنیات ءِ پجاری کتگ۔ آئی ءَ کاروباری برات آناں دل یکیمی دات کہ اقتصادی رفتار ءِ گیش بوھگ ءَ گوں ٹیکس ءِ زور کم بیت ءُ کاروباری چست ءُ ایر آسان بنت۔ آئی ءَ وزیر حنیف عباسی ءِ سروکی ءَ پاکستان ریلوے ءِ زندگ کنگ ءِ واستہ چست کتگیں گامگیج آناں ھم ساڑات ءُ گوشت کہ ادارگ نوں جوانیں رنگ ءَ بحال کنگ بوتگ۔ دانیال چوہدری ءَ راولپنڈی چیمبر ءِ ازمت آناں ساڑات ءُ گوشت کہ کاروباری برات ملک ءِ دیمروئی ءِ ریڑھ ءِ ھڈ اَنت ءُ آھانی جیڈھ آناں گیواری ءِ واستہ حکومت سرجمیں رنگ ءَ کمک ءَ برجاہ دار ایت۔ گڈسرا آئی ءَ مراگش ءِ برجم دارگ ءِ ھاترا آر سی سی آئی ءِ صدر عثمان شوکت، گروپ لیڈر سہیل الطاف ءُ ایندگر کارمستر آنی منت گپت۔