وزیر داخلہ محسن نقوی ءَ شمالی وزیرستان ءَ خوارج ناشرکارانی حلاف ءَ سوبمندیں آپریشن ءِ ھاتر ءَ سیکورٹی فورسز ءَ را توسیپ ءُ ستا پیش

اسلام آباد۔2دسمبر (اے پی پی): وفاقی داخلہ ءِ وزیر محسن نقوی ءَ شمالی وزیرستان ءَ بھارت ءِ کمک ءَ فعال خوارج ناشرکار آنی ھلاپ ءَ سوبمندیں آپریشن ءِ ھاتر ءَ سیکورٹی فورسز ءَ را شگر ءُ منت گپت ءُ گوشت کہ فورسز ءَ وھد ءِ سر ءَ ءُ پیشہ وارانہ گامگیج زورگ ءَ دژمن ءِ بدیں ارادہ آناں ناکام کتگ۔ ھپت خوارج ناشرکارانی کوش سیکورٹی فورسز ءِ مزنیں پیشہ وارانہ ، دلیری ءُ جزم ءِ گواہ اِنت۔ وتی بیان ءِ تہ ءَ محسن نقوی ءَ گوشت کہ آپریشن ءِ ساھت ءَ 7 ناشرکار کوش ءِ سر ءَ سیکورٹی فورسز ءَ را سلام پیش کن آں ۔ کلیں راج ءَ را امنیت ءِ کارندہ آنی دلادری ءُ پیشہ وارانہ ازم ءِ سر ءَ فخر اِنت۔ آئی ءَ اے گپ پدر کت کہ دژمن ءِ بدیں ارادہ ءَ را کدی سوبمند بوھگ ءِ موہ نہ دیگ بیت ءُ اے آپریشن داں ناشرکاری ءِ سرجمی ءَ ھلاس کنگ ءَ پد سرجمیں زور ءَ برجاہ بنت۔ وفاقی وزیر داخلہ ءَ گوشت کہ سیکورٹی فورسز ءَ را ناشرکاری ءِ ھلاپ ءَ جنگ ءَ مزنیں سوبمندی رستگ ءُ راجی ایمنی ءِ واستہ سپاھیگ آنی قربانی شموشگ نہ بیت۔ آئی ءَ گوشت کہ ملک ءِ امن ءَ را سبوتاژ کنوکیں عناصر آنی حلاف ءَ صفر برداشت ءِ پالیسی ءِ سرا عمل کنگ بوھگ ءَ انت ءُ ریاست سرجمیں زور ءَ گوں ناشرکاری ءِ ھلاپ ءَ جنگ ءَ انت۔ محسن نقوی ءَ گیش گوشت کہ سیکورٹی فورسز امن ءِ برجائی ءِ واستہ جزم انت ءُ الس ءِ جان ءُ مال ءِ رکھینگ ءِ واستہ ھرچ وڑیں گامگیج زورگ بوھگ ءَ انت، سرجمیں راج وتی بہادریں اُرد ءُ کانود ءِ نفاذ ءِ ادارگ آنی گوما اوشتاتگ۔