شمالی وزیرستان ءَ سیکورٹی فورسز ءَ سوبمندی ءَ گوں آپریشن کنگ ءَ انت ، فتنہ الخوارج ءِ 7 ناشرکار بیران بوتگ انت

راولپنڈی۔2دسمبر (اے پی پی): خیبر پختونخوا ءِ ضلع شمالی وزیرستان ءَ سیکورٹی فورسز ءِ نیمگ ءَ دو جتا جتائیں سوبمندیں آپریشن ءِ وھد ءَ ھندی پراکسی فتنہ الخوارج ءَ گوں سیادی داروکیں ھپت خوارج بیران بوتگ اَنت۔ انٹر سروسز پبلک ریلیشنز ءِ نیمگ ءَ چہ جاڑی بوتگیں بیان ءِ رد ءَ سیکورٹی فورسز ءَ میر علی ءَ خوارج ءِ ھست بوھگ ءِ بابت ءَ معتبریں ھالانی بنیاد ءَ انٹیلی جنس ءِ بنیات ءَ آپریشن کتگ۔ آپریشن ءِ وھد ءَ سیکورٹی فورسز ءَ خوارج ءِ پناہ گاہ ءَ را جوانیں رنگ ءَ نشانگ جوڑ کتگ ءُ شدیدیں تیرگواری ءَ پد 6 خوارج ءِ ناشرکار کشتگ اَنت۔ اسپن وام ءَ دگہ انٹیلی جنس ءِ بنیاد ءَ آپریشن کنگ بوتگ۔ تیرگواری ءِ بدلی ءَ سیکورٹی فورسز ءَ دگہ دری مردمے کش اتگ۔ چہ کُشگ بوتگیں ھندی کمک ءِ خواریجی آں سلاہ ءُ گولہ بارود ھم برآمد کنگ بوتگ۔ کُشگ بوتگیں ناشرکار بازیں ناشرکاری کارانی تہ ءَ ھوار بوتگ اَنت کہ ایشی ءِ تہ ءَ سیکورٹی فورسز، کانود ءِ نفاذ ءِ ادارگ ءُ بے گناہیں شہری آنی نشانگ جوڑ کنگ ھوار اِنت۔ دمگ ءَ سینیٹائزیشن آپریشن برجاہ انت تانکہ دمگ ءَ ھستیں ھندی حمایت ءِ ھرچ درملکی مردم ءِ ھلاس کنگ بہ بیت۔ بیان ءِ تہ ءَ گوشت کہ فیڈرل اپیکس کمیٹی برائے نیشنل ایکشن پلان ءِ نیمگ ءَ منظور بوتگیں وژن ”استحکام ءِ ٹھینگ“ ءِ چیر دستی ءَ سیکورٹی فورسز ءُ کانود ءِ نفاذ ءِ ادارگ آنی ناشرکاری ءِ ھلاپ ءَ مہم سرجمیں زور ءَ گوں برجاہ بیت تانکہ درملکی سرپرستی ءُ حمایت کتگیں ناشرکاری ءِ آفت ملک ءَ چہ کشگ بہ بیت۔