راولپنڈی۔2دسمبر (اے پی پی): آرمی اسٹاف ءِ سروک فیلڈ مارشل سید عاصم منیر ءَ ترکی ءِ توانائی ءُ قدرتی وسیلگ ءِ وزیر پرسلان بیرکتار ءَ گوں جنرل ہیڈ کوارٹر ءَ گند ءُ نند کت۔ گند ءُ نند ءِ ساھت ءَ وت مہ وتی دلچسپی ءِ جیڈھ آنی سر ءَ ھیال ریچی کنگ بوت، ھاسیں رنگ ءَ پاک ءُ ترکی ءِ توانائی ءِ کمک ءَ را دیمروئی دیگ، دو نیمگی …
فیلڈ مارشل سید عاصم منیر ءَ ترکی ءِ وزیر پرسلان بیرکتار ءَ گوں گند ءُ نند کتگ، یکجائی مول ءُ مراد ءُ دمگی برجائی ءِ رد ءَ شریکداری ءَ را گیش مھکم کنگ ءِ جزم ءِ درشان
راولپنڈی۔2دسمبر (اے پی پی): آرمی اسٹاف ءِ سروک فیلڈ مارشل سید عاصم منیر ءَ ترکی ءِ توانائی ءُ قدرتی وسیلگ ءِ وزیر پرسلان بیرکتار ءَ گوں جنرل ہیڈ کوارٹر ءَ گند ءُ نند کت۔ گند ءُ نند ءِ ساھت ءَ وت مہ وتی دلچسپی ءِ جیڈھ آنی سر ءَ ھیال ریچی کنگ بوت، ھاسیں رنگ ءَ پاک ءُ ترکی ءِ توانائی ءِ کمک ءَ را دیمروئی دیگ، دو نیمگی سیادی آناں مھکم کنگ ءُ اسٹریٹجک شریکداری ءِ واستہ نوکیں موہ آناں پٹ ءُ پول کنگ ءِ سر ءَ ھیال ریچی کنگ بوت۔ انٹر سروسز پبلک ریلیشنز ءِ نیمگ ءَ چہ جاڑی بوتگیں بیان ءِ رد ءَ دوئیں نیمگاں یکجائی مول ءُ مراد ءُ دمگی استحکام ءِ رد ءَ شریکداری ءَ را گیش مھکم کنگ ءِ وتی جزم ءِ پدا پدر کتگ۔ فیلڈ مارشل ءَ پاکستان ءُ ترکی ءِ نیام ءَ گہتریں، دیریں ءُ براتی سیادی آناں پدر کنان ءَ جتا جتائیں میاں اوستمانی دیوان آنی تہ ءَ ترکی ءِ نیمگ ءَ پاکستان ءِ واستہ مھکمیں کمک ءِ سر ءَ منت واری ءِ درشانی کت۔ ترکی ءِ وزیر ءَ توان ءِ شوبگ ءَ کمک ءَ را گیش گہتر کنگ ءِ واھشت ءِ درشان کت ءُ دمگی امن، برجائی ءُ برجمیں دیمروئی ءِ واستہ پاکستان ءِ کوشست آناں ساڑات۔
