اھوالکاری یک وشیں ءُ نامداریں پڑے، اھوالکار مئے چم ءُ گوش اَنت، سردار ایاز صادق پی آر اے ءِ نوک گچین بوتگیں باڈی ءِ سوگند ورگ ءِ مراگش ءَ گوں تران

اسلام آباد۔2دسمبر  (اے پی پی): راجی اسمبلی ءِ اسپیکر سردار ایاز صادق ءَ گوشت کہ اھوالکاری یک مزنیں ءُ باوقاریں پڑ اِنت، اھوالکار مئے چم ءُ گوش اَنت، پارلیمانی احوالکار آنی جوانیں ءُ ذمہ واریں رپورٹنگ ءِ گندگ ءَ چہ وشیں گپے، یک ذمہ واریں اھوالکار ءِ نشانی ایش اِنت کہ آ یک مثبتیں اھوالکارے، صحافت ءِ سرا نبشتہ کنت۔ آئی ءَ اے ھیالانی درشانی سئے شمبے ءِ روچ ءَ پارلیمنٹ گس ءَ پارلیمانی رپورٹر ایسوسی ایشن ءِ نوک گچین بوتگیں باڈی ءِ سوگند چستی مراگش ءَ کت۔ راجی اسمبلی ءِ اسپیکر سردار ایاز صادق ءَ پی آر اے پی ءِ نوکیں گچین بوتگیں اگدہ دارانی سوگند دات۔ راجی اسمبلی ءِ اسپیکر سردار ایاز صادق ءَ نوکیں گچین بوتگیں اگدہ داراں مبارکی دات۔ مراگش ءِ تہ ءَ وزیر ءِ اھوالکاری عطا اللہ ترار، ڈپٹی چیئرمین سینیٹ سیدل خان نصیر ءُ باسک راجی اسمبلی مولانا عبدالغفور حیدری ءُ ڈاکٹر شرمیلا صاحبہ فاروقی ھشام ھم ھوار اتنت۔ مراگش ءَ گوں گشتانک دیان ءَ اسپیکر سردار ایاز صادق ءَ گوشت کہ ادا نشتگیں گیشتریں اھوالکار آنی گوما منی یک کوھنیں سیادی یے است، من مدام پارلیمانی احوالکار پارلیمنٹ ءِ ھاسیں بھر لیک اتگ، پارلیمانی احوالکار پارلیمنٹ ءِ باسک آنی ھساب ءَ گیشتر پارلیمنٹ ءَ وھد گوازین انت۔ آئی ءَ گوشت کہ اھوالکار مئے چم ءُ گوش اَنت ءُ اے مقدس ءُ شرپداریں پیشہ اِنت، آرٹیفیشل انٹیلی جنس ءِ ھوالگ ءَ لہتیں جیڈھ است اَنت، اھوالکار وتی جان ءَ را رسک ءَ ایر کنان ءَ وتی فرض ءَ پیلو کن اَنت۔ آئی ءَ ھاسیں رنگ ءَ وزیر ءِ اھوالکاری عطا اللہ ترار ءِ توسیپ کت ءُ گوشت کہ آئی ءَ یک جوانیں اھوالکاری ءِ وزیر ثابت کتگ، پی آر اے پی ءِ باسک آناں راجی اسمبلی ءِ کارندہ آنی لیکہ ءِ سر ءَ الائیڈ بینک پارلیمنٹ ہاؤس ءَ چہ بینک لون ءَ ھوار آسراتی ھم رسگ لوٹ ایت۔ اسپیکر سردار ایاز صادق ءَ پارلیمانی احوالکار آناں وتی زمہ واری آنی پیلو کنگ ءَ راجی اسمبلی سیکرٹریٹ ءِ نیمگ ءَ چہ ھمک رنگ ءِ کمک ءِ دل یکیمی دات۔ پی آر اے پی ءِ نوک گچین بوتگیں صدر ایم بی سومرو ءُ سیکرٹری نوید اکبر ءَ سوگند چست کنگ ءِ مراگش ءَ بہر زورگ ءِ ھاتر ءَ راجی اسمبلی ءِ اسپیکر ءِ منت گپت۔ نوکیں گچین بوتگیں صدر ءُ سیکرٹری پی اے پی ءَ راجی اسمبلی سیکرٹریٹ ءِ گوما پی اے پی ءِ گوما کمک ءَ را ساڑات۔