مزن وزیر محمد شہباز شریف: برآمدات ءِ تہ ءَ گیشی ءِ وسیلگ ءَ اقتصادی دیمروئی ءِ واستہ عملی گامگیج زورگ بوھگ ءَ انت، جتا جتائیں کارگس آنی سوج آنی سر ءَ عمل کنگ ءَ را دل یکیمی کنگ بیت، مزن وزیر شہباز شریف

اسلام آباد۔2دسمبر  (اے پی پی): مزن وزیر محمد شہباز شریف ءَ گوشت کہ برآمدات ءِ تہ ءَ گیشی ءِ وسیلگ ءَ اقتصادی دیمروئی ءِ واستہ عملی گامگیج کنگ بوھگ ءَ انت، کاروباری مردم ءُ سرمایہ کار شرپ دار انت، جتاجتائیں کارگس آنی پنت ءُ شون آنی سر ءَ عمل کنگ دل یکیمی کنگ بیت، ٹیکس ءِ آمدنی ءَ را ایوک ءَ کاروبار ءُ مھکمیں معیشت ءِ وسیلگ ءَ گیشی بیت۔ سئے شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ آئی ءَ اے ھیالانی درشانی ٹیکس ءِ شوبگ ءِ اصلاحات ءِ ھوالگ ءَ کارگس ءِ دیوان ءِ سروکی ءَ کنان ءَ کت کہ ایشی ءِ تہ ءَ اقتصادی اصلاحات ءِ واستہ نجی شوبگ ءِ ماہرین ءُ کاروباری مردم ھوار اَنت۔ دیوان ءِ تہ ءَ وفاقی وزیر احد خان چیما، محمد اورنگزیب، علی پرویز ملک، وزیر مملکت بلال اظہر کیانی، ھاسیں کمکار ہارون اختر ءُ سیادی داروکیں مزنیں کارندہ آں بہر زرتگ۔ دیوان ءَ ورکگل ءِ چیئرمین شہزاد سلیم ءُ اے دگہ باسکاں ہم بہر زرتگ ات۔ دیوان ءَ بھر زوروکیں کاروباری مردم ءُ سرمایہ کار آں گوستگیں دیوان ءَ ایکسپورٹ ڈویلپمنٹ سرچارج ھلاس کنگ ءِ پرمان آنی پد ءَ مزن وزیر ءِ شگر ءُ منت گپت۔ مزن وزیر ءَ گوشت کہ حکومت ٹیکس دیوکیں کاروباری مردم ءُ کمپنی آناں ارزشت دنت، دراجیں مدت ءِ گامگیج آنی وسیلگ ءَ ملک ءَ کاروبار ءَ را گہتر ءُ گیش مسابقتی جوڑ کنگ لوٹ ایت، حکومت اولی روچ ءَ چہ برآمدات ءِ تہ ءَ گیشی ءِ بنیات ءَ اقتصادی دیمروئی ءِ واستہ عملی گامگیج زورگ ءَ انت۔ مزن وزیر ءَ گوشت کہ نجی شوبگ ءِ ماہرین آنی نیمگ ءَ چہ سرجمیں سوج پیش کنگ بوتگ، ایشی ءِ واستہ آ منت وار آں، اے سوج آنی سر ءَ چار ءُ تپاسی ءَ پد من وزیر ھزانگ ءِ سروکی ءَ کمیٹی جوڑ کنگ ءَ آں تانکہ آ کار ءِ لائک جوڑ کنگ بہ بنت، کمیٹی عملی گامگیج آنی سر ءَ بنیات ءَ کارروائی ءِ منصوبگ پیش کنت۔ دیوان ءَ کارپوریٹ شوبگ ءَ ھوار جتا جتائیں شوبگ آنی تہ ءَ ٹیکس ءِ شرح ءُ ٹیکس آنی تقابلی تجزیہ پیش کنگ بوت۔ دیوان ءَ پاکستان ءَ جندی شوبگ ءِ دیمروئی، برآمدات ءُ  سرمایہ کاری ءِ تہ ءَ گیشی ءِ واستہ المی ءِ ٹیکس اصلاحات آنی ھوالگ ءَ تجویز پیش کنگ بوت۔ دیوان ءَ دمگ ءَ پاکستانی کاروباری شوبگ ءِ مقابلہ ءِ توان ءَ را گیش کنگ ءِ ھوالگ ءَ ھم تجویز پیش کنگ بوت۔