راجی میراث ءُ دود ءُ ربیدگ ءِ وفاقی وزیر اورنگزیب خان کھچی  ءَ ایران ءِ دود ءُ ربیدگ ءِ وزیر سید عباس صالحی  ءَ گوں گند ءُ نند کتگ، دو نیمگی دود ءُ ربیدگ ءِ کمک ءَ را گیش مھکم کنگ ءِ سر ءَ تپاک

تہران۔2دسمبر  (اے پی پی): راجی ورثہ ءُ دود ءُ ربیدگ ءِ وفاقی وزیر اورنگزیب خان کھچی ءَ ایران ءِ دود ءُ ربیدگ ءُ اسلامی رہشونی ءِ وزیر سید عباس صالحی  ءَ گوں گند ءُ نند کت، ایشی ءِ تہا پاکستان ءُ ایران ءِ نیام ءَ براتی سیادی ءِ رد ءَ دو نیمگی دود ءُ ربیدگی کمک ءَ را گیش مھکم کنگ ءِ سر ءَ تپاک کت۔ وزارت راجی ورثہ ءُ دود ءُ ربیدگ ءِ نیمگ ءَ جاڑی بوتگیں بیان ءِ رد ءَ گند ءُ نند وش ءُ دوستیں چاگرد ءَ بوتگ ایشی ءِ تہ ءَ دوئیں دود ءُ ربیدگ ءِ وزیراں پاکستان ءُ ایران ءِ نیام ءَ دود ءُ ربیدگ ءِ شوبگ ، مردم آنی نیام ءَ رابطہ ءُ وت مہ وتی تبادلہ ءَ را گیش دیمروئی دیگ ءِ جزم ءِ درشانی کتگ۔ اے موہ ءِ سر ءَ اورنگزیب خان کھچی  ءَ گوشت کہ پاکستان ایران ءِ گوما وتی سیادی آناں ھاسیں رنگ ءَ دود ءُ ربیدگ ءُ مشترکہ دود ءُ ربیدگ ءِ ھوالگ ءَ سک باز ارزشت دنت ۔ ایران ءِ وزیر سید  عباس صالحی ءَ پاکستان ءِ ثقافتی چست ءُ ایر آں ساڑات ءُ یکجائی منصوبگ آنی تہ ءَ کمک ءِ تہ ءَ گیشی ءِ واھشت ءِ درشان کت۔ دوئیں وزیراں مزنیں کچے ءَ تبادلہ ءِ برجاہ دارگ ءُ نوکیں منصوبگ آنی دیم ءَ آرگ ءِ سر ءَ تپاک کتگ کہ دوئیں ملک آنی اُلس ءَ را نزیک کنگ ءَ کمک بہ کنت۔