پاکستان آرمی  ءُ  چین  ءِ  پیپلز لبریشن آرمی     ءِ   یکجائی  فوجی ایکسرسائز  واریر IX  بندات

راولپنڈی۔2دسمبر  (اے پی پی): پاکستانی فوج ءُ چین ءِ لبریشن آرمی     ءِ فوج ءَ یکجائی فوجی ایکسرسائز واریئر 9 ءِ بندات کتگ کہ دوئیں براتیں ملک آنی نیام ءَ ھمک سالی برجم دارگ بوھوکیں دو نیمگی ناشرکاری ءِ ھلاپ ءَ ایکسرسائز آنی 9می ایڈیشن اِنت۔ سئے شمبے ءِ روچ ءَ انٹر سروسز پبلک ریلیشنز ءِ نیمگ ءَ جاڑی بوتگیں بیان ءِ رد ءَ اے ایکسرسائز یکم دسمبر ءَ بندات بوتگ ءُ ایشی ءِ تہ ءَ ناشرکاری ءِ ھلاپ ءَ کارروائی آنی سر ءَ دلگوشی دیگ بوتگ ایشی ءِ مول ءُ مراد وت مہ وتی کمک ءَ را گیش کنگ، تاکتیکی مہارت آناں گہتر کنگ ءُ نوکیں جنگ ءِ تہ ءَ جوانیں رھبند آنی بدلی کنگ اِنت۔ پاکستان ءُ چین ءِ نیام ءَ یک دیریں ءُ برجمیں دفاعی کمک ءِ بُن ھشت یکے دومی ءِ سر ءَ بھروسہ ءُ اسٹریٹجک شریکداری ءِ تہ ءَ اِنت۔ ایکسرسائز واریئر IX دوئیں ملک آنی نیام ءَ مھکمیں فوجی سیادی ءِ گواہی اِنت ءُ دمگی امن، مھکم ءُ ایمنی ءِ واستہ آھانی یکجائی ءِ عزم ءِ پدا پدر کنت۔ ایکسرسائز ءِ بنداتی مراگش ءَ کور کمانڈر منگلا، پی ایل اے ءِ ڈپٹی چیف آف سٹاف   ویسٹرن تھیٹر کمانڈ میجر جنرل بیان شیاؤمنگ  ءُ دوئیں ملک آنی ایندگر مزنیں فوجی کارندہ آں بہر زرتگ ات کہ اے ایکسرسائز نیشنل انسداد ناشرکاری مرکز ءَ برجم دارگ بوتگ ات۔