جنیوا۔2دسمبر (اے پی پی): راجی جان سلامتی ءِ وفاقی وزیر سید مصطفیٰ کمال ءَ گوشت کہ ایمونائزیشن کوریج ءَ را گیش کنگ ءِ واستہ موثر گامگیج کنگ بوھگ ءَ انت، جان سلامتی ءِ شوبگ ءَ گہتری مئے اولی ترجی انت۔ اے ھیالانی درشانی آئی ءَ جنیوا ءَ گاوی ءِ چیف ایگزیکٹو آفیسر ڈاکٹر ثانیہ نشتر ءَ گوں گند ءُ نند ءِ ساھت ءَ کت۔ دوئیں رہشون آں گاوی بورڈ …
وفاقی وزیر برائے جان سلامتی صادق مصطفیٰ کمال ءَ جنیوا ءَ گاوی ءِ چیف ایگزیکٹو آفیسر ڈاکٹر ثانیہ نشتر ءَ گوں گند ءُ نند
جنیوا۔2دسمبر (اے پی پی): راجی جان سلامتی ءِ وفاقی وزیر سید مصطفیٰ کمال ءَ گوشت کہ ایمونائزیشن کوریج ءَ را گیش کنگ ءِ واستہ موثر گامگیج کنگ بوھگ ءَ انت، جان سلامتی ءِ شوبگ ءَ گہتری مئے اولی ترجی انت۔ اے ھیالانی درشانی آئی ءَ جنیوا ءَ گاوی ءِ چیف ایگزیکٹو آفیسر ڈاکٹر ثانیہ نشتر ءَ گوں گند ءُ نند ءِ ساھت ءَ کت۔ دوئیں رہشون آں گاوی بورڈ ءِ دیواناں چہ پیسر یکجائی حکمت عملی ءِ بابت ءَ ھیال ءُ لیکہ درشان کت۔ گند ءُ نند ءَ پاکستان ءِ ایمیونائزیشن ءِ اولی ترجی ءُ برجاہیں کمک ءِ بابت ءَ ھیال ریچی کنگ بوت۔ وفاقی جان سلامتی ءِ وزیر ءَ گاوی ءِ گوما مھکمیں شریکداری ءِ توسیپ کت۔ گاوی ءِ چیف ایگزیکٹو آفیسر ءَ پاکستان ءَ ویکسینائزیشن ءِ واستہ برجاھیں کوشست آنی توسیپ کنان ءَ پاکستان ءَ ویکسینیشن کوریج ءَ را گیش گہتر کنگ ءِ واستہ وتی عزم ءِ سر ءَ پدا زور دات۔ آئی ءَ گاوی ءُ پاکستان ءِ فارما انڈسٹری ءِ نیام ءَ آیوکیں وھد ءِ کمک ءِ سر ءَ دل یکیمی ءِ درشان کت۔
