وفاقی وزیر داخلہ محسن نقوی ءَ بنوں ءَ فتنہ الخوارج ءِ نیمگ ءَ اسسٹنٹ کمشنر ءِ کاروان ءِ سر ءَ اُرش ءِ مذمت کتگ

اسلام آباد۔2دسمبر  (اے پی پی): وفاقی تہی کارانی وزیر محسن نقوی ءَ بنوں ءِ میرانشاہ  روڈ ءِ سر ءَ فتنہ الخوارج ءِ نیمگ ءَ اسسٹنٹ کمشنر ءِ کاروان ءِ سر ءَ اُرش ءِ سک باز مذمت کتگ۔ وزیر داخلہ محسن نقوی ءَ وتی مذمت ءِ تہا اسسٹنٹ کمشنر شاہ ولی ءُ دو پولیس افسر کہ شہید بوتگ انت۔  وزیر داخلہ محسن نقوی ءَ شہید آں گوں دل ءِ جہلانکی ءَ ہمدردی ءُ دلپدردی ءِ درشانی کتگ۔ محسن نقوی ءَ گوشت کہ اسسٹنٹ کمشنر شاہ ولی ءُ دوئیں پولیس افسر وتی فرض ءِ پیلو کنگ ءِ وھد ءَ شہادت ءِ مزنیں درجہ ءَ رس اِتگ۔ شہید اسسٹنٹ کمشنر شاہ ولی ءُ دوئیں پولیس افسرانی قربانی ءَ سلام۔ وزیر داخلہ محسن نقوی ءَ سئے ٹپیگیں افسر آنی زوت جان سلامتی ءِ دعا کتگ۔