درئی کارانی کارگس ءِ جارکش ءَ گْوشتگ کہ بھارت ءَ پاکستان ءَ چہ سری لنکا ءَ انسانی کمک ءِ بندش برجاہ اِنت

اسلام آباد۔2دسمبر  (اے پی پی): درئی کارانی کارگس ءِ جارکش ءَ گوشت کہ بھارت ءَ پاکستان ءَ چہ سری لنکا ءَ انسانی کمک ءِ بندش برجاہ اِنت۔ دری کارانی کارگس ءِ جارکش ءَ سئے شمبے ءِ روچ ءَ جاڑی بوتگیں بیان ءِ تہ ءَ گوشت کہ پاکستان ءَ چہ سری لنکا ءَ انسانی کمک ءِ برگ ءِ ھاسیں بالی گراب ءَ را 60کلاک ءَ چہ گیش تاخیر ءِ آماچ اِنت ءُ نوں بھارت ءِ نیمگ ءَ چہ بالی گراب ءِ کلیئرنس ءِ ودار ءَ اِنت۔ ترجمان ءَ گوشت کہ گوستگیں شپ ءَ بھارت ءِ نیمگ ءَ چہ 48کلاک ءَ پد جاری کتگیں جزوی بالی گراب ءِ کلیئرنس وھد ءِ کمی ءُ پدا واتر بوھگ ءِ بالی گراب ءِ درستی ءِ سبب ءَ ایوک ءَ لھتیں کلاک بوتگ، ایشی ءِ آسر ءَ سری لنکا ءِ براتیں الس آنی واستہ اے زوتیں امدادی مشن ءِ تہ ءَ مزنیں رکاوٹ ءِ دیم ءَ اتکگ۔