دسمبر 1988 ءَ محترمہ برزا بھٹو شہید اسلامی دنیا ءِ اولی گچین بوتگیں زالبولیں مزن وزیر جوڑ بوت، جمہوریت ءِ نیمگ ءَ واتر بوھگ ءِ سفر بندات بوت، صدر آصف علی زرداری

اسلام آباد۔2دسمبر  (اے پی پی): صدر آصف علی زرداری ءَ گوشت کہ 2 دسمبر 1988 ءَ محترمہ بے نظیر بھٹو شہید ءَ 35سال ءِ عمر ءَ مزن وزیر ءِ سوگند چست کتگ ءُ اسلامی دگنیا ءِ اولی گچین بوتگیں زالبولیں مزن وزیر جوڑ بوتگ۔ سئے شمبے ءِ روچ ءَ صدر ءِ مملکت ءِ کارگس ءِ پریس ونگ ءِ رد ءَ صدر ءِ مملکت ءَ اے روچ ءِ موہ ءَ وتی پیغام ءِ تہ ءَ گوشت کہ اے روچ ءَ 36 سال پیسر 10 سال پیسر ءِ مارشل لاء ءُ آمریت ءَ پد پاکستان ءَ جمہوری حکومت ءِ بحالی بوتگ ءُ جمہوریت ءِ نیمگ ءَ واتر بوھگ ءِ سفر ءِ سروکی ءَ بندات بوتگ۔ صدر ءِ مملکت ءَ گوشت کہ آ روچ ءَ انقلاب ءِ نوکیں لہر ءَ راج ءِ سر ءِ سر ءَ کوروان کت ءُ گچین کاری آنی تہ ءَ بھر زوری ءِ زالبول ءُ ورنا آنی واب پیلو بوت۔ صدر آصف علی زرداری ءَ گوشت کہ بے نظیر بھٹو ءَ پاکستان ءِ کسان سالیں مزن وزیر جوڑ بوھگ ءَ چہ الس ءِ حکومت، جمہوریت ءُ برابری ءِ عزم ءَ را مھکم کتگ۔