پارلیمانی امور ءِ وفاقی وزیر ڈاکٹر طارق فضل چوہدری ءَ امارات ءِ راجی روچ  ءِ درگت ءَ  مبارکی

اسلام آباد۔2دسمبر  (اے پی پی): پارلیمانی کارانی وفاقی وزیر ڈاکٹر طارق فضل چوہدری ءَ متحدہ عرب امارات ءِ راجی روچ ءِ درگت ءَ امارات ءِ سروکی ءُ الس ءَ را مبارک بات دیگ ءِ ساھت ءَ وتی دل ءِ جہلانکیں واھشت آنی درشان کتگ۔ سئے شمبے ءِ روچ ءَ سوشل نیٹ ورک ویب سائٹ ’’ایکس‘‘ ءِ سر ءَ وتی مبارکی کلوہ ءِ تہ ءَ آئی ءَ امارات ءِ سروکی ءُ الس ءَ را راجی روچ ءِ درگت ءَ دل ءِ تہ ءَ چہ مبارک بات دات ءُ گوشت کہ پاکستان ءُ امارات ءِ نیام ءَ براتی، دوستی ءُ وت مہ وتی شرپ ءِ گہتریں بندوک انت۔ دوئیں ملک آنی نیام ءَ اے کمک ءُ بھروسہ ءِ سیادی دہائیاں چہ بوتگ ءُ وھد ءِ گوما گیش مھکم بوھگ ءَ انت۔ آئی ءَ گوشت کہ امارات ءَ پیشرفت، نوآباتیاتی ءُ وتی جھان ءِ سروکی ءَ را سوبمند کتگ۔ آئی ءَ گوشت کہ اے ھاسیں موہ ءِ سر ءَ نا ایوک ءَ ما وتی راجی کامیابی آناں وش آتک کنگ ءَ آں بلکینگ ءَ دوئیں ملک آنی نیام ءَ گہتریں شریکداری ھم مئے کامیابی آنی یک ھاسیں بھرے انت۔ آئی ءَ دعا کت کہ اللہ تعالیٰ امارات ءَ را گیش دیمروئی ءُ وشھالی بہ دنت۔