اسحاق دار ءِ گشگ انت کہ مانورٹیزآنی حقانی راجی  کمیشن 2025 ءِ سرا چست کتگیں اعتراض ہلاس کنگ بوتگ انت

اسلام آباد۔2دسمبر  (اے پی پی): نائب مزن وزیر ءُ درئی کارانی وزیر اسحاق ڈار ءَ گوشت کہ اقلیت آنی ھک آنی راجی کمیشن 2025 ءِ سر ءَ صدر آصف علی زرداری ءِ نیمگ ءَ چست کتگیں اعتراض دور کنگ بوتگ اَنت، مارا ھمک مردم ءِ ناکامی ءَ را چم شانک دیگ مہ بیت۔ آ سئے شمبے ءِ روچ ءَ پارلیمنٹ ءِ یکجائی دیوان ءَ گوں گشتانک دیگ ءَ ات۔ نائب مزن وزیر ءَ گوشت کہ یک بل ءِ سر ءَ چار ءُ تپاسی بوھگ ءَ اِنت کہ دوئیں ایوان آنی نیمگ ءَ چہ منظور کنگ بوتگ، وھدے کہ صدر ءِ مملکت ءِ گور ءَ شت گڈا بل پدا اعتراض آنی گوما اتک ءُ ایشی ءَ پد اے بل پدا پارلیمنٹ ءِ یکجائی دیوان ءَ آرگ بوت۔ آئی ءَ گوشت کہ ایوان، وزارت ءَ ھچ نیست، مئے ھرچیز پہ رسول اللہ صلى الله عليه وسلم ءَ قربان اِنت۔ آئی ءَ گوشت کہ جے یو آئی ایف ءِ سروکی ءَ مولانا فضل الرحمن اقلیت آنی بل 2025 ءِ سر ءَ چست بوتگیں اعتراض ھلاس کنگ بوتگ اَنت۔ آئی ءَ دل یکیمی دات کہ اگاں کجام ھم کانود ءَ را گہتر کنگ لوٹ ایت گڈا ما ایشی ءِ واستہ ھم ساڑی آں ۔ آئی ءَ گوشت کہ سرکار بیا اَنت ءُ رو اَنت، کس ءَ چہ میراث مہ بیت، ما ھر چیز ءَ را سیاسی چمشانک ءَ چہ مہ چاریں، ادا مرچی ھم نموس رسالت ءِ نعرہ چست کنگ بوتگ ءُ اپوزیشن ءِ باسکاں گوں کیزی  804 ءِ یلہ کنگ ءِ نعرہ ءَ گوں ایوان ءَ درکپتگ، اے روایت ءِ رد ءَ کنگ بوھگ ءَ اِنت۔