پاکستان ءِ آباتی ہر سال یک نیوزی لینڈ ءِ مردمے ءِ شرح ءَ گیش بوہگ ءَ اِنت۔ آباتی ءِ چیلنج ءَ گوں دیم پہ دیم بوھگ ءِ ھاترا چاگرد ءِ ھر تبک ءَ وتی کرد پیلو کنگی اِنت، عطا اللہ تارڑ

اسلام آباد۔2دسمبر  (اے پی پی): وفاقی وزیر ءِ اھوالکاری ءُ شنگکاری عطا اللہ تارڑ ءَ آباتی ءِ تہ ءَ ترندیں گیشی ءَ را جیڑگ ءِ گپ لیک اِتگ ءُ گوشت کہ پاکستان ءِ آباتی ھر سال نیوزی لینڈ ءِ مردم ءِ شرح ءَ گیش بوھگ ءَ اِنت۔ آباتی ءِ گیش بوھگ ءِ سبب ءَ جان سلامتی، وانگ ءُ زانگ ءُ ایندگر شوبگ آنی تہ ءَ چیلنج پیداک بوھگ ءَ انت وھدیکہ اقتصادی ءُ بنیاتی آسراتی آنی سر ءَ ایشی ءِ بار ھم گیش بوھگ ءَ انت۔ آباتی ءِ چیلنج ءَ گوں دیم پہ دیم بوھگ ءِ ھاترا چاگرد ءِ ہر ٹک ءَ وتی کرد پیلو کنگی اِنت۔ سئے شمبے ءِ روچ ءَ ادا یک دمگی ہوٹلے ءَ ’’پاکستان آباتی ءِ سروک دیوان‘‘ ءَ گوں تران کنان ءَ وفاقی وزیر ءِ اھوالکاری ءَ گوشت کہ مارا اے گپ ءِ سرپد بوھگی اِنت کہ آباتی ءِ تہ ءَ گیشی یک مزنیں یکیں جیڈھ اِنت۔ پاکستان ءِ آباتی ہر سال یک نیوزی لینڈ ءِ مردمے ءِ شرح ءَ گیش بوہگ ءَ اِنت۔ آئی ءَ گوشت کہ آباتی ءِ گیشی ءَ گوں دگہ جیڈھ ھم ھمگرنچ اَنت۔ وفاقی وزیر ءَ گوشت کہ زھگ آنی مرگ ءِ کچ گیش بوھگ ءَ اِنت، یونیسیف ءِ اعداد و شمار ءِ رد ءَ ھر ھزار ءِ سر ءَ پنجاہ زھگ مرگ ءِ دپ ءَ چہ بیران بنت۔ آئی ءَ گوشت کہ اگاں ما نوزائیدگیں زھگ، مات ءُ زھگ ءِ چار ءُ بچار یا زھگ ءِ زھگ ءِ جان سلامتی ءِ چمشانک ءَ چہ بچاریں گڑا ما بازیں گران بھائیں جاناں چہ زبھر کن ایں ۔ آئی ءَ گوشت کہ اے جیڈھ ءِ دگہ ھاسیں پڑ ایش انت کہ اے سرپدی بہ بیت کہ آباتی ءِ گیشی وت یک مزنیں چیلنج ءِ انت، وسیلگ آنی گپ ءُ تران ءِ وتی جاگہ ​​انت بلے زند ءِ ھک یک انسانی ھک ءِ انت کہ اے جیڈھ ءَ چہ آماچ انت۔ اگاں آباتی ءِ جیڑہ پہمگ مہ بیت ءُ ایشی ءِ بابت ءَ سرپدی مہ بیت گڈا اے مزنیں جیڑہے ۔ آئی ءَ گوشت کہ مئے چاگرد ءَ زھگانی مات آنی جیڈھ باز وھد ءَ دومی درجہ ءَ بنت ءُ سما ءِ کمی ءِ سبب ءَ اندیم کنگ بنت۔ آئی ءَ گیش گوشت کہ اے درگت ءَ سرپدی پیداک کنگ ھر تبک ءِ یکجائی ذمہ واری اِنت، زانتکار، میڈیا، سرکار، وکیل ءُ اھوالکار درستاں اے تہ ءَ وتی کرد پیلو کنگی اِنت۔ آئی ءَ گوشت کہ ھک ءُ زمہ واری دوئیں اے جیڈھ ءَ گوں مستقیم ءَ سیادی دار اَنت۔ گیش بوھوکیں آباتی دیمروئی ءِ رفتار ءَ را سست کنت وھدے کہ اے معیشت ءُ بنیاتی ڈھانچہ ءِ سر ءَ ھم بار ایر کنگ ءَ اِنت۔ وفاقی وزیر ءَ گوشت کہ مئے دمگ ءَ کار کنوکیں زالبول آنی شرح ایندگر دمگ آنی مقابلہ ءَ کم انت، اے چاگردی جیڈھ انت ایشی ءَ را سرپدی ءِ وسیلگ ءَ گیواری کنگی انت۔ وفاقی وزیر ءَ گوشت کہ آباتی ءِ جیڈھ ءَ گوں گر ءُ چیل بوھگ ءِ واستہ کارگس ءِ جوڑ کنگ المی اِنت، اے جیڈھ ءَ را زالبول آنی کاکس ءِ پلیٹ فارم ءَ کارمرد کنان ءَ ایوان ءِ نمائندگ آنی تہ ءَ بحث ءِ وسیلگ ءَ پدر کنگ بوت کنت۔ وزیر اطلاعات ءَ گوشت کہ اے درگت ءَ اسلامی نظریہ ءِ شورا ءِ گامگیج ستا کرز اِیت، دیمروئی ءِ برجائی ءِ واستہ کسانیں  آباتی المی اِنت۔